મહારાષ્ટ્રના ગોંદિયામાં એક પેસેન્જર ટ્રેન અને માલગાડી વચ્ચે અથડામણ થઈ છે અને જેમાં 50થી વધુ મુસાફરો ઘાયલ થયા હોવાનું કહેવાય છે અને આ અકસ્માતમાં ત્રણ બોગી પાટા પરથી ઉતરી ગઈ હોવાનું કહેવાય છે. અકસ્માત પાછળનું કારણ સિગ્નલ દ્વારા જાણવામાં આવી રહ્યું છે અને આ દુર્ઘટનામાં હજુ સુધી કોઈના મોતના સમાચાર નથી.
કહેવામાં આવી રહ્યું છે કે આમાંથી એક ટ્રેન છત્તીસગઢના બિલાસપુરથી રાજસ્થાનના જોધપુર જઈ રહી હતી. સિગ્નલના અભાવે પેસેન્જર ટ્રેન ભગત કી કોઠી અને માલગાડી વચ્ચે ટક્કર થઈ હતી.
મળતી માહિતી મુજબ સિગ્નલની સમસ્યાના કારણે બંને ટ્રેન એક જ ટ્રેક પર આવી ગઈ હતી અને સિગ્નલ મળતાં જ બિલાસપુર-ભગત કી કોઠી પેસેન્જર ટ્રેન આગળ નીકળી ગઈ. તે જ સમયે આ ટ્રેક પર માલગાડી નાગપુર તરફ જઈ રહી હતી અને રેલવે સિગ્નલ ન મળતાં પેસેન્જર ટ્રેને ગોંદિયા ફાટક પાસે માલગાડીને ટક્કર મારી હતી. જણાવવામાં આવી રહ્યું છે કે આ ટ્રેન દુર્ઘટનામાં કુલ 53 મુસાફરો ઘાયલ થયા છે, જેમાંથી 13ને સામાન્ય ઈજા થઈ છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
