ભારતે સુપર ઓવરમાં મેચ જીતી લીધી હતી
ભારતે શ્રીલંકાને સુપર ઓવરમાં પહેલા બોલ પર હરાવ્યું
ભારતે 3-0થી ટી20 સિરિઝ પોતાને નામ કરી
India Beat Srilanka in 3rd T20: શ્રીલંકા અને ભારત વચ્ચે 3 મેચની T20 સિરિઝની અંતિમ મેચ પલ્લીકલમાં રમાઈ હતી. આ મેચમાં ટોસ હાર્યા બાદ ભારતે પ્રથમ બેટિંગ કરતા 9 વિકેટે 137 રન બનાવ્યા હતા. જોકે, આના જવાબમાં શ્રીલંકાએ પણ 20 ઓવરમાં 8 વિકેટે 137 રન બનાવ્યા હતા. જેના કારણે મેચ ટાઈ થઈ અને પછી સુપર ઓવર રમાઈ હતી. આ રોમાંચક 6-6 બોલની ગેમમાં ભારતે એક તરફા અંદાજે બાજી મારી લીધી અને મેચ જીતી લીધી હતી.
શ્રીલંકાએ સુપર ઓવરમાં માત્ર 2 રન કર્યા
શ્રીલંકા તરફથી કુસલ મેન્ડિસ અને કુસલ પરેરા બેટિંગ કરવા આવ્યા હતા.
વોશિંગ્ટન સુંદરે ઓવરનો પહેલો બોલ વાઈડ ફેંક્યો હતો.
આ પછી તેણે ઓવરનો અન્ય ઓફિશિયલ પહેલો બોલ ફેંક્યો જેના પર કુસલ મેન્ડિસે સિંગલ લીધો હતો.
કુસલ પરેરા ઓવરના બીજા બોલ પર મોટો શોટ મારવાના પ્રયાસમાં આઉટ થયો હતો. તેનો કેચ રવિ બિશ્નોઈએ પકડ્યો હતો.
નવો બેટ્સમેન પથુમ નિસાંકા ઓવરના ત્રીજા બોલ પર સ્ટ્રાઈક પર આવ્યો. તે પહેલા બોલ પર જ સિક્સર મારવા જતા કેચ આઉટ થયો હતો.
આ રીતે શ્રીલંકા સુપર ઓવરમાં માત્ર 2 રન જ કરી શકી હતી.
ભારતે સુપર ઓવરમાં સરળતાથી જીત મેળવી લીધી હતી. શ્રીલંકા તરફથી સ્પિનર મહિષ તિક્ષણા સુપર ઓવરમાં બોલિંગ કરવા આવ્યો હતો. સૂર્યકુમાર યાદવ ઓવરના પહેલા બોલ પર સ્ટ્રાઈક પર હતો. સૂર્યકુમારે પહેલા બોલ પર ચોગ્ગો ફટકારીને ભારતને મેચ જીતાડી દીધી હતી.
સૂર્યા અને રિંકુએ બોલિંગ કરીને મેચ ટાઈ કરી દીધીસ્લોઅર પિચમાં સ્પિન બોલરો અસરકારક હોવાના કારણે કેપ્ટન સૂર્યકુમાર યાદવે રિંકુ સિંહને 19મી ઓવર કરવા આપી હતી. આંતરરાષ્ટ્રીય ક્રિકેટમાં પ્રથમ વખત બોલિંગ કરવા આવેલા રિંકુએ શાનદાર બોલિંગ કરી અને તેની ઓવરમાં માત્ર 3 રન આપી 2 વિકેટ ઝડપી લીધી હતી. આ પછી સૂર્યાએ મોહમ્મદ સિરાજની જગ્યાએ છેલ્લી ઓવર પોતે જ નાખવાનો નિર્ણય કર્યો હતો. શ્રીલંકાને છ બોલમાં છ રનની જરૂર હતી, પરંતુ સૂર્યાએ શાનદાર બોલિંગ કરી અને પહેલા ત્રણ બોલમાં બે વિકેટ ઝડપી હતી. શ્રીલંકાને જીતવા માટે છેલ્લા બોલ પર ત્રણ રનની જરૂર હતી. જેમાં શ્રીલંકાએ 2 રન લઈ સ્કોર લેવલ કરી દીધો હતો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
