ફેસબૂક હવે કરવા જઇ રહ્યું છે અત્યાર સુધીનો આ સૌથી મોટો ફેરફાર

સોશિયલ મીડિયા સાઇટ્સ અને પ્લેટફોર્મ્સ સાથે જોડાયેલી એક વાત દરેકને ખબર છે કે બીજાની  પોસ્ટ્સ પર વધુ લાઇક જોઈને ઇર્ષ્યા થતી હોય છે.  જો તમારી પોસ્ટને વધુ લાઇક્સ ન મળે તો તમને ખરાબ લાગે છે. ફેસબુક પર નંબર ગેમ અને લાઇક્સની સ્પર્ધાને લીધે, યુઝર્સો એકબીજાને અને પોતાને વિશે ખરાબ લાગે છે અથવા યુદ્ધની જેમ જુએ છે. આ બાબતોને ધ્યાનમાં રાખીને ફેસબુક પ્લેટફોર્મ પર લાઇક્સને હવે છુપાવી દેવાનો નિર્ણય કરી શકે છે.

ફેસબુકએ ઓફિસિયલ એકાઉન્ટની પોસ્ટ્સ પરની લાઇક્સ છુપાવવાનું શરૂ કર્યું છે. આ 27 સપ્ટેમ્બરથી ઓસ્ટ્રેલિયાના પ્લેટફોર્મ પર જોવા મળશે. એકાઉન્ટ ધરાવનાર પોતે પોસ્ટ લાઇક્સ અને કોમેન્ટની ગણતરી જોઈ શકશે, પરંતુ તે બાકી લોકોથી છુપાઇ રાખવામાં આવશે અને તેઓ મ્યુચ્યુઅલ ફ્રેન્ડ્સના નામ સાથે રિએક્શન આઇકન જોવા મળશે. આ રીતે બાકીના વપરાશકર્તાઓ એકબીજાની પોસ્ટ પર આવતી લાઇક્સની ગણતરી જોઈ શકશે નહીં અને આ વધુ અથવા ઓછા પસંદની સ્પર્ધા ઘટાડવામાં મદદ કરશે.

ફેસબુક યુઝર્સની બાકીની પોસ્ટ્સ પરની કોમેન્ટની સંખ્યા અને અન્ય લોકોના પોસ્ટ્સ પર વીડિયો વ્યૂ પણ જોઈ શકશે નહીં. જો કે, દરેક વ્યક્તિ તેની પોસ્ટ પર લાઇક્સ અને કોમેન્ટ જોશે પણ બાકી લોકો માટે આ બંને વસ્તુ છુપાવી રાખવામાં આવશે. ફેસબુકે આ વિશે જણાવ્યું હતું કે, અમે ફેસબુક પર સ્પર્ધા અથવા લાઇક્સની લડાઇ જોવા માંગતા નથી. નિવેદનમાં કહેવામાં આવ્યું છે કે, આ એક પ્રયોગ છે જે અમને સમજવામાં મદદ કરશે કે લોકો આ નવા ફોર્મેટને કેવી રીતે અપનાવે છે. સોશિયલ મીડિયા પ્લેટફોર્મે કહ્યું કે, અમે આશા રાખીએ છીએ કે આ સમય દરમિયાન આપણે એ પણ જાણી શકીશું કે શું અમે તેને વૈશ્વિક સ્તરે શરૂ કરી શકીએ કે નહીં.