એશિયાઈ વિકાસ બેંક (ADB)ના રિપોર્ટ અનુસાર વર્ષ 2019માં ભારતમાં મોંઘવારી એક વર્ષમાં બમણી થઈ છે. GDP ગ્રોથની વાત કરીએ તો બાંગ્લાદેશ કરતાં પણ ભારત પાછળ રહ્યું છે. 2018માં મોંઘવારી 3.9 ટકા હતી જે વધીને બમણી એટલે કે 7.3 ટકાની થઈ છે. જેના કારણે GDPગ્રોથમાં ભારત બીજા ક્રમે છે.
ADB રિપોર્ટના આધારે જાણો દરેક દેશનો GDP ગ્રોથ
એશિયાઈ વિકાસ બેંક (ADB)એ 25 સપ્ટેમ્બરે અંદાજ લગાવ્યો કે પાકિસ્તાનનો વિકાસ હાલના નાણાંકીય વર્ષ 2019-20માં દક્ષિણ એશિયામાં સૌથી ઓછો એટલે કે 2.8 ટકા રહી શકે છે. એડીબીએ રિપોર્ટમાં જણાવ્યું છે કે પાકિસ્તાનની અર્થવ્યવસ્થા ગયા વર્ષની સરખામણીએ ઓછો વિકાસ કરશે અને સાથે તેની જીડીપી 2.8 ટકા રહેવાનું અનુમાન છે. દક્ષિણ એશિયાના દરેક દેશનો વિકાસ તેનાથી વધારે રહેવાનું અનુમાન છે.
પાકિસ્તાનના નાણાંકીય વર્ષમાં વિકાસ ઘટ્યો
બેંકના એશિયન ડેવલપમેન્ટ આઉટલુક રિપોર્ટમાં જણાવાયું છે કે પાકિસ્તાનમાં હાલના નાણાંકીય વર્ષમાં વિકાસમાં ઘટાડો જોવા મળ્યો છે. નીતિઓને લઈને નિર્ણય લેવામાં સમય લાગવો, નાણાંકીય તથા બાહ્ય આર્થિક અસંતુલનના કારણે રોકાણમાં ખામી આવી છે. રિપોર્ટમાં કહ્યું છે કે નાણાંકીય સંતુલનને યોગ્ય રીતે બેસાડવાની કોશિશથી ઘરેલૂ માંગ પર અસર પડશે અને માંગમાં ઘટાડાથી દરેક ક્ષેત્રમાં સુસ્તી રહેશે. કૃષિ ક્ષેત્રમાં સરકારની પહેલના કારણે સારી પ્રગતિ થઈ શકે છે.
રિપોર્ટમાં કહેવાયું છે કે વર્ષ 2019માં પાકિસ્તાની રૂપિયાની કિંમત ડોલરની સરખામણીએ 24 ટકા સુધી ઘટી છે. મોંઘવારી ઘણી વધીને 7.3 ટકા રહી છે જે 2018માં 3.9 ટકાની હતી.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
