બિહારનાં મુખ્યપ્રધાન નિતીન કુમારે બીજા રાજ્યોમાંથી પરત ફરેલા શ્રમિકો માટે મહત્વની જાહેરાત કરી છે, મુખ્ય પ્રધાને કહ્યું કે લોકડાઉન દરમિયાન બિહાર પરત ફરનારા મજુરો, વિદ્યાર્થીઓ અને અન્ય લોકોને બિહાર સરકાર 500-500 રૂપિયા આપશે, તેમણે સ્પષ્ટ કર્યું કે આ લોકોએ રેલવે ભાડું આપવાની જરૂર નથી, તે અમારી જવાબદારી છે.

તેમણે કહ્યું- કામદારોને 21 દિવસન ક્વોરેન્ટીન સેન્ટરમાં રહેવું પડશે અહીં તેમને ખાવા-પીવા, રહેવા, ડોક્ટરી સેવા,શૌચાલયની ઉત્તમ સેવા મળશે, ત્યાર બાદ આ લોકોને તેમના ઘરે જતા સમયે રાજ્ય સરકાર તેમને આવવાનો ખર્ચો અને વધારાના 500 રૂપિયા આપશે. દરેક વ્યક્તિને ઓછામાં ઓછા 1000 રૂપિયા મળશે.

નીતીશે પ્રવાસીઓને ટ્રેનથી લાવવાની સુવિધા આપવા માટે કેન્દ્ર સરકારનો આભાર વ્યક્ત કર્યો. લોકડાઉનમાં ફસાયેલા વિદ્યાર્થીઓ અને કામદારો પાસેથી ભાડું લેવાના મામલે રાજકારણ થઇ રહ્યું હતું. તેજસ્વી યાદવે ટ્વિટ કરીને કહ્યું હતું કે જો બિહાર સરકાર ભાડું આપવામાં સક્ષમ ન હોય તો જણાવે, RJD 50 ટ્રેનોનું ભાડું આપશે.