નેપાળ તરફી જારી કરવામાં આવેલા નક્શાને દેશના બંધારણમાં સામેલ કરવા માટે આજે સંસદમાં સંવિધાન સંશોધનનો પ્રસ્તાવ મુકવાનો હતો. પરંતુ નેપાળ સરકારે છેલ્લી ઘડીએ સંસદની કાર્યસૂચીમાંથી આજે બંધારણ સંશોધની કાર્યવાહીને હટાવી દીધી.

નેપાળના સત્તાપક્ષ અને વિપક્ષ બંને વચ્ચે પરસ્પર સહમતી બાદ હાલ પુરતી આ કાર્યવાહી અટકાવી દેવામાં આવી છે. મંગળવારના રોજ નેપાળના વડાપ્રધાન કે પી શર્મા ઓલીએ નવા નક્શા મુદ્દે એક સહમતિ બનાવવા માટે સર્વદલીય બેઠક બોલાવી હતી. આ બેઠકમાં તમામ પક્ષના નેતાઓએ ભારત સાથે વાતચીત કરી કોઇ આ મુદ્દો હલ કરવાનો પ્રસ્તાવ આપ્યો હતો.

ભારત સાથે દ્વિપક્ષીય વાર્તાનો માહોલ બનાવા માટે નેપાળે પોતાની તરફથી આ પગલું ઉઠાવ્યું છે. ભારતીય વિદેશ મંત્ર્યાલયે નેપાળ સાથે વાતચીત કરવાની માગ કરી હતી. નેપાળે નવા નક્શાને સંસદમાં રજૂ ન કરી કૂટનીતિક રીતે પરિપક્વતાનું ઉદાહરણ આપ્યું છે.