કોરોના વાયરસનું સંક્રમણ અત્યારે પણ આખી દુનિયામાં ઝડપથી ફેલાઈ રહ્યું છે. આ દરમિયાન વિશ્વ સ્વાસ્થ્ય સંગઠનનું એક એવું નિવેદન આવ્યું છે જેમાં કોરોના વાયરસની મહામારીને ખત્મ થવાની આશાને હચમચાવશે. યુનાઇટેડ સ્ટેટ્સમાં થોડા દિવસોનાં ઘટાડા પછી કોરોના વાઈરસ ફરીથી ગતિ પકડી છે. અમેરિકા ઉપરાંત બ્રાઝિલ, રશિયા અને રશિયા પણ તેના હોટસ્પોટ છે.
ગુરૂવારે વિશ્વભરમાં ચેપનાં 1,16,300 થી વધુ નવા કેસો નોંધાયા છે, ત્યારબાદ ચેપનો કુલ આંક વધીને 6 મિલિયનની નજીક પહોંચી ગયો છે. છેલ્લા 25 કલાકમાં, 5000થી વધુ લોકો ચેપને કારણે મૃત્યુ પામ્યા હતા, જેના કારણે હવે કુલ મૃત્યુઆંક વધીને 3,61,500 થઈ ગયો છે. જોહન્સ હૉપકિન્સ યુનિવર્સિટીનાં જણાવ્યા અનુસાર, યુ.એસ.માં કોરોના વાયરસથી મૃત્યુ પામેલા લોકોની સંખ્યા 101337 પર પહોંચી ગઈ છે. વર્લ્ડ હેલ્થ ઓર્ગેનાઇઝેશનના વિશેષ અધિકારી ડો. ડેવિડ નબરોએ કહ્યું છે કે ‘આપણે કોરોના વાયરસના ચેપનાં બીજા સ્ટ્રોક માટે તૈયાર રહેવું જોઈએ’.
તેમણે કહ્યું છે કે “જેમ જેમ લોકડાઉન સરળ થાય છે તેમ, કોરોના ચેપના કેસમાં બીજી મોટી તેજી આવી શકે છે, જેના માટે તૈયાર થવું જોઈએ.” ભારતમાં કોવિડ -19માં મૃત્યુઆંક ચીન કરતા વધી ગયો છે. લૉકડાઉનમાં ઢીલ બાદ જર્મનીમાં કેસ વધ્યા છે. છેલ્લા 24 કલાકમાં જર્મનીમાં કોરોના વાયરસના 741 નવા કેસ નોંધાયા છે. જર્મનીમાં કોરોના વાયરસનાં કુલ કેસ 80,458 થયા છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
