મમતા બેનરજીની પાર્ટીના નેતાએ ભાજપના નેતાની બહેનની રેપ બાદ હત્યા કરી

પશ્ચિમ બંગાળમાં ભાજપના નેતાઓ તો ટાર્ગેટ બનતા જ હતા. હવે તેમના પરિવારજનો પણ વિરોધીઓના નિશાન પર આવી ગયા છે.

મળતી વિગતો પ્રમાણે પશ્ચિમ બંગાળમાં ઉત્તર દિનાજપુર વિસ્તારમાં ભાજપના સ્થાનિક નેતાની બહેનનો મૃતદેહ મળી આવ્યા બાદ ભારે ઉશ્કેરાટ ફેલાયો હતો.ટોળાએ હાઈવેને બ્લોક કરીને 3 સરકારી બસો અને પોલીસના ત્રણ વાહનોને આગના હવાલે કરી દીધા હતા.

પોલીસનુ કહેવુ હતુ કે, આ કિશોરી સવારે શૌચાલય જવા નીકળી હતી અને તે દરમિયાન તેનુ અપહરણ કરી દેલાવયુ હતુ.કલાકો બાદ તેનો મૃતદેહ મળી આવ્યો હતો.

દરમિયાન ભાજપે આરોપ લગાવ્યો છે કે, યુવતી ભાજપના નેતાની બહેન છે અને મમતા બેનરજીની પાર્ટી તૃણમુલ કોંગ્રેસના એક નેતાએ તેના પર રેપ કરીને તેની હત્યા કરી દીધી છે.ગામના લોકો પણ આ જ પ્રકારની વાત કરી રહ્યા છે.

બીજી તરફ તૃણમુલ કોંગ્રેસનુ કહેવુ છે કે, ખોટા આરોપો લગાવીન ભાજપ શાંતિ ભંગ કરવાની કોશીશ કરી રહી છે.પોલીસે પણ યુવતીનુ મોત ઝેરની અસરથી થયુ હોવાનુ કહ્યુ છે અને તેના પર રેપ થયો હોય તેવા કોઈ નિશાન પણ મળ્યા નથી.