સરહદ વિવાદને કારણે ભારત સાથે તંગદીલી સર્જનારા ચીને અન્ય એક પાડોશી દેશ નેપાળ સાથેના સંબંધોને બગાડવામાં પણ કોઈ કસર છોડી નથી. તાજેતરમાં, મીડિયા અહેવાલોએ સનસનાટીભર્યા માહિતી બહાર આવી હતી કે નેપાળ સરહદે ચીને 150 હેક્ટર જમીન પર કબજો કર્યો છે. જો કે, ચારે બાજુ ફિટકાર વર્સ્યા પછી, ચીને આ મામલે સ્પષ્ટતા રજૂ કરતી વખતે આ મીડિયા અહેવાલોને એકદમ નકારી દીધા છે. ચીને આ અહેવાલોને ‘સંપૂર્ણ આધારહીન’ અને ‘શુદ્ધ અફવા’ ગણાવ્યા છે.
ચીનના વિદેશ મંત્રાલયના પ્રવક્તા વાંગ વેનબિને બ્રિટિશ અખબાર ધ ટેલિગ્રાફનાં અહેવાલ પર પ્રતિક્રિયા આપી છે. આ રિપોર્ટમાં દાવો કરવામાં આવ્યો છે કે નેપાળના નેતાઓએ કહ્યું છે કે નેપાળ-તિબેટ સરહદ પર બેઇજિંગે 150 હેક્ટર જમીન પર કબજો કર્યો છે. જ્યારે આ અહેવાલ વિશે પૂછવામાં આવ્યું ત્યારે પ્રવક્તા વાંગે કહ્યું હતું કે, હું કહેવા માંગું છું કે આ રિપોર્ટ સંપૂર્ણ પણે અફવા છે.
તેમણે ઉમેર્યું, “અહેવાલ તથ્ય પર આધારીત નથી. આ શુદ્ધ અફવા છે. ”ગયા મહિને, ઓક્ટોબરમાં, ચીનના સરકારી મીડિયાએ પણ એવા અહેવાલોને ફગાવી દીધા હતા કે ચીને નેપાળના હમલા જિલ્લામાં જમીન કબજે કરી છે. ચીનના પ્રોપેગેંડા અખબાર ગ્લોબલ ટાઇમ્સે 16 ઓક્ટોબરના એક અહેવાલમાં જણાવ્યું છે કે, “નેપાળની કેટલીક ઇમારતો પર ચીને હુમલા જિલ્લામાં તેમની જમીન પર અતિક્રમણ કરવાનો આરોપ લગાવ્યો છે, જે ખરેખર ચીનના તિબેટ સ્વાયત્ત ક્ષેત્રમાં બુરાંગ કાઉન્ટીમાં એક તે નવનિર્મિત ગામ છે.”
ગ્લોબલ ટાઇમ્સે તેના અહેવાલમાં ભારતને દોષી ઠેરવ્યું હતું. આ આખા મુદ્દે કોઇ પણ પ્રકારનો સંબંધ ન ધરાવનારા ભારત અંગે ચીનનાં અખબારે નવી દિલ્હી પર આરોપ લગાવ્યો હતો કે ભારતે આ કેસને પ્રોત્સાહન આપ્યું છે. તે સાથે જ, નેપાળના વિપક્ષ પર નવી દિલ્હીનાં ઇસારા પર કામ કરાવનો આરોપ લગાવ્યો. અહેવાલમાં કહેવામાં આવ્યું છે કે, “નેપાળનો મુખ્ય વિપક્ષ કે જે આખા મામલાને પ્રોત્સાહન આપી રહ્યો છે, તેનો ઝોક ભારત તરફ માનવામાં આવે છે”.
બ્રિટિશ અખબારનો રિપોર્ટ શું હતો?
બ્રિટીશ અખબાર ધ ટેલિગ્રાફે ચીન અને નેપાળ અંગે એક રિપોર્ટ પ્રકાશિત કર્યો હતો. આ રિપોર્ટમાં દાવો કરવામાં આવ્યો છે કે નેપાળના હમલા જિલ્લામાં ચીને 150 હેક્ટર જમીન પર કબજો કર્યો છે. ચીને સરહદ પર તેના પીએલએ સૈનિકો મોકલ્યા હતા અને મે મહિનાથી પાંચ મોરચા તેના પર કબજો શરૂ કર્યો હતો. રિપોર્ટમાં વધુમાં કહેવામાં આવ્યું છે કે, હમલા જિલ્લામાં પીએલએ સૈનિકોએ સરહદ પાર કરી હતી અને લિમી વેલી તથા હિલસામાં લગાવવામાં આવેલા પિલરને કાઢી નાખ્યા હતા. આ પછી, પીએલએ સૈન્ય મથકો બનાવવાનું શરૂ કર્યું.”
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
