નેપાળની સત્તાધારી નેપાળ કમ્યુનિસ્ટ પાર્ટીનાં આંતરિક વિખવાદ અને વડા પ્રધાન કેપી શર્મા ઓલીના રાજીનામાની માંગ વચ્ચે રાજાશાહી ફરી લાવવાની માંગણીએ જોર પકડ્યું છે. છેલ્લા અઠવાડિયાથી નેપાળનાં પોખરા અને બુટવાલ જેવા મોટા શહેરોમાં વિરોધ પ્રદર્શન ચાલી રહ્યા છે.
આ દેખાવોમાં, લોકો નેપાળમાં હિન્દુ રાજાશાહીની સ્થાપના કરનારા પૃથ્વી નારાયણ શાહની તસવીરો સાથે માર્ગો પર ઉતરી પડ્યા છે. ગુરૂવારે, રાજાશાહીના સમર્થનમાં એક પ્રદર્શન ભારતનાં મહારાજગંજ જિલ્લાની સરહદની નજીક, ભૈરહવાંમાં યોજાયું.
આ પ્રદર્શન નાગરિક સમાજ રૂપનદેહીના નેજા હેઠળ કરવામાં આવ્યું હતું. વિરોધીઓએ ભૈગહવાનાં લુમ્બીની ગેટથી શોભાયાત્રા કાઢી હતી જે બુદ્ધ ચોક, દેવકોટા ચોક, બેંક રોડ, મિલન ચોક થઈને લુમ્બિની ગેટ પર પહોંચી. અહીંની એક સભામાં વક્તાઓએ નેપાળમાં રાજાશાહીની જોરદાર હિમાયત કરી. તેમણે નેપાળમાં હિન્દુ રાષ્ટ્રની પુન: સ્થાપના કરવાની હાકલ કરી.
કાર્યક્રમનાં કન્વીનર રવિ કુમાર રૌનીયરે કહ્યું કે નેપાળી લોકોની માંગ છે કે નેપાળ હિન્દુ રાષ્ટ્ર હોય. રાજકીય પક્ષો પોતાની જવાબદારી નિભાવી રહ્યા નથી.
આને કારણે દેશમાં રાજાશાહી પાછી લાવવામાં આવે. સભાને રંજન ખનાલ, મનોજકુમાર ઝા, બલરામ શર્મા, ગોપાલ શર્મા, મોહમ્મદ વગેરેએ સંબોધીત કરી.
વક્તાઓએ કહ્યું કે રાજાશાહી એ સમયની જરૂરિયાત બની ગઈ છે. રાજાશાહીની પુન: સ્થાપનાથી જ દેશનો લાભ થઈ શકે છે. તો, હિન્દુ રાષ્ટ્રની માંગ કરીને, દરેક સ્તરે લડવાની જાહેરાત કરવામાં આવી.
રાજાશાહીની સ્થાપનાની માંગ સાથે શોભાયાત્રામાં મોટી સંખ્યામાં બાઇક ચાલકો કૂચ કરી રહ્યા હતા. શોભાયાત્રામાં લોકો ‘રાજા લાઓ-દેશ બચાવો’ અને હિન્દુ રાષ્ટ્રની માંગ સાથે સૂત્રોચ્ચાર કરી રહ્યા હતા.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
