છેલ્લા ૪ મહિનામાં સરકારે વિક્રમજનક ટ્રાફિક દંડ વસૂલ્યો, વર્ષ પૂર્ણ થતાં આંકડો થશે અધધધ…

નવા મોટર વહીક્લ એક્ટને લાગુ કરાતા આ વર્ષનાં દંડના આશ્ચર્યજનક આંકડા બહાર પડ્યા છે. પ્રજાની કમર તોડી નાખતો 52 કરોડનો દંડ સરકારે ફક્ત ૪ મહિનામાં વસુલ્યો છે. આ જ ગતિએ જો દંડ લેવાતો રહ્યો તો વર્ષ ૨૦૧૯-૨૦૨૦ માં ૨૦૦ કરોડ રૂપિયા સુધીનો દંડ વસુલવામાં આવશે તેવી શક્યતા છે.

• છેલ્લા ૪ મહિનામાં સરકારે ગુજરાતીઓ પાસે અધધ 52 કરોડ રૂપિયાનો દંડ વસુલ્યો
• આ વર્ષે દંડ ૨૦૦ કરોડનું વિક્રમી આંકડો વટાવે તેવી શક્યતા 
• RTO કર્મચારી અને અધિકારીઓને રવિવારે પણ હાજર રહેવાની તાકીદ 
• “RTOને વધુ સરળ અને લોકભોગ્ય બનાવવાની તજવીજ હાથ ધરાઈ છે” વિજય રુપાણી 

તારીખ ૧૮ સપ્ટેમ્બર શુક્રવારના રોજ ટ્રાફિક પોલીસ વડે ૨૭.૪૫ લાખના દંડની વસુલાત કરવામાં આવી છે. પોલીસનું કહેવું છે કે પોલીસે દંડ વસુલવામાં સખ્તી દર્શાવી નથી. જો કે આંકડા આ વિધાનથી તદ્દન જુદું ચિત્ર બતાવે છે.  

RTOના કર્મચારીઓને પરસેવો વળી ગયો

અમદાવાદ RTOના વિવિધ કાઉન્ટરો છેલ્લા ૩ દિવસથી ૬ વાગ્યા ઉપરાંત ૨ કલાક સુધી ચાલુ રાખવામાં આવી રહ્યા છે. લોકોના ભારે ધસારાના પગલે સૌને રવિવારે પણ હાજર રહેવાની સુચના આપવામાં આવી છે. 

વિજય રુપાણીએ લોકોને પાડી રહેલી ભારે હાલાકીણે ઉદ્દેશીને પત્રકારોને ગુરુવારે જણાવ્યું હતું કે સરકાર RTOના ફક્શ્ન્સની આખા રાજ્યમાં પુનઃરચના કરવાની યોજના બનાવી રહ્યા છે જેથી લોકોને થઇ રહેલી હેરાનગતિ ઓછી થાય.