યુઝવેન્દ્ર ચહલે વિકેટ લીધા બાદ પત્ની સામે જોઇને શુ કર્યું??

IPL 2022 ની પાંચમી મેચમાં રાજસ્થાન રોયલ્સે સનરાઈઝર્સ હૈદરાબાદને 61 રનથી હરાવ્યું. આ સિઝનની પાંચ મેચોમાં પ્રથમ વખત પ્રથમ બેટિંગ કરનારી ટીમે જીત મેળવી છે. મેચ એકતરફી હતી, પરંતુ આ દરમિયાન ઘણી રોમાંચક ક્ષણો જોવા મળી હતી. રાજસ્થાનના લેગ સ્પિનર ​​યુઝવેન્દ્ર ચહલે પણ ચાહકોનું ખૂબ મનોરંજન કર્યું.અને આ દરમિયાન જ્યારે તેને વિકેટ મળી ત્યારે તેની ઉજવણી કરવાની રીતને પણ ખૂબ પસંદ કરવામાં આવી હતી.

યુઝવેન્દ્ર ચહલે મેચમાં શાનદાર પ્રદર્શન કર્યું હતું, જ્યારે તેની પત્ની ધનશ્રી સ્ટેન્ડ પર વર્ચસ્વ ધરાવતી હતી. ચહલે રાજસ્થાન તરફથી ડેબ્યૂ મેચમાં 22 રન આપીને 3 વિકેટ લીધી હતી. આ દરમિયાન ચહલની પત્ની ધનશ્રી સ્ટેન્ડ પરથી તેના પતિને ચીયર કરતી જોવા મળી હતી. ચહલે જ્યારે પ્રથમ વિકેટ લીધી ત્યારે ધનશ્રી ઉછળી હતી. ત્યારબાદ ચહલે ધનશ્રી તરફ ઈશારો કરીને ફ્લાઈંગ કિસ આપી.આખી મેચ દરમિયાન ધનશ્રી સ્ટેન્ડમાં હાજર હતી અને પોઝ આપતી જોવા મળી હતી.અને તેની તસવીરો સોશિયલ મીડિયા પર વાયરલ થઈ રહી છે.