ફિરોઝબાદમાં યુવતી કમરમાં બંદૂક લઈને ફરી રહી હતી, પકડાઈ તો આપ્યું ચોંકાવનારું કારણ.

મેનપુરીમાં જેલ ચોક પાસે સોમવારે સાંજે બંદૂક સાથે પકડાઈ ગયેલી ફિરોઝબાદની રહેવાસી યુવતીને મંગળવારે કોર્ટમાં રજૂ કરવામાં આવી હતી. ત્યાં મોડી સાંજે યુવતીને જામીન મળી ગયા. યુવતી શિક્ષિકા હોવાનું કહેવામાં આવી રહ્યું છે અને પોલીસ તેની બાબતે જાણકારી એકત્ર કરી રહી છે. કોતવાલી પોલીસે સોમવારે સાંજે જનપદ ફિરોઝબાદના પોલીસ સ્ટેશનના દક્ષિણ ટોલા નવી વસ્તી ફૂલવાડીની રહેવાસી કરિશ્મા યાદવની એક બંદૂક અને બે કારતૂસ સાથે ધરપકડ કરવામાં આવી હતી.

પોલીસ સ્ટેશને લઈ જઈને જ્યારે તેની પૂછપરછ કરવામાં આવી તો તેણે જણાવ્યું કે ફેબ્રુઆરી 2021ના રોજ તેના માતા-પિતાનું મોત થઈ ગયું હતું ત્યારબાદ કેટલાક સંબંધી તેની જમીન પર નજર નાખી રહ્યા છે. આ કારણે તે દન્નાહાર પોલીસ સ્ટેશન વિસ્તારમાં રહેતા મામાના ઘરે રહે છે. અને વર્તમાનમાં ઘિરોરના ગામના ઓયના રહેવાસી સંબંધીને ત્યાં રહે છે.અને તેના જીવનું જોખમ છે એટલે તે પોતાની સાથે બંદૂક રાખે છે. લાઇસન્સ માટે અરજી કેમ ન કરી? આ સવાલ પર યુવતીએ મૌન સાધી લીધું.

કોતવાલી પોલીસે મંગળવારે યુવતીને કોર્ટમાં રજૂ કરી હતી. ત્યાં મોડી સાંજે તેને જામીન મળી ગયા. તો પકડાઈ ગયેલી યુવતી કોઈ શાળામાં શિક્ષિકા હોવાનું કહેવામાં આવી રહ્યું છે. પોલીસનું કહેવું છે કે આ બાબતે જાણકારી એકત્ર કરવામાં આવી રહી છે. જેલ ચોક પાસે સોમવારની સાંજે આ યુવતી કમરમાં બંદૂક લઈને ફરી રહી હતી. ત્યાં ઉપસ્થિત સ્વોટ ટીમના જવાનોએ બંદૂક જોઈ તો મહિલા પોલીસને જાણકારી આપી દીધી. મહિલા પોલીસકર્મીએ જ્યારે તપાસ કરી તો બંદૂક મળી આવી.અને યુવતીની ધરપકડ કરવા સાથે જ કોતવાલી પોલીસે રિપોર્ટ દાખલ કરી લીધો હતો.

કરિશ્માના ફુવા યોગેશ યાદવ ફિરોઝાબાદમાં રહે છે. કરિશ્માના પિતા પૂરન સિંહ પ્રોપર્ટી ડીલર હતા જ્યારે માતા સુષ્મા ગૃહિણી હતી અને પરિવાર અને સંબંધીઓમાં પ્રોપર્ટીનો વિવાદ એ હદ સુધી વધી ગયો હતો કે કરિશ્માના માતા-પિતા તણાવમાં રહેવા લાગ્યા હતા અને તેમને ડર હતો કે તેમની હત્યા થઈ જશે. આ જ તણાવમાં વર્ષ 2021મા સુષ્માએ પોતાના પતિ પૂરન સિંહને ગોળી મારી દીધી અને ત્યારબાદ ઘરના ત્રીજા માળ પર જઈને પોતાને ગોળી પણ મારી લીધી હતી. બંનેના મોત થઈ ગયા હતા.અને સુષ્માએ જ્યારે પતિને ગોળી મારી તો દીકરી કરિશ્મા ત્યાં જ હતી.યોગેશ જણાવે છે કે પ્રોપર્ટને લઈને હત્યા અને આત્મહત્યાની ઘટના થઈ ત્યારે કરિશ્મા સગીર વયની હતી.