ભારતના વડાપ્રધાન નરેન્દ્ર મોદીના યોગા ફોર હ્યુમિનિલિટી થીમ આધારિત ઉજવણી અંતર્ગત સુરતની વાસ્તુ ચેરીટેબલ ટ્રસ્ટ દ્વારા હેપ્પી મોર્નિંગ ક્લબના સહયોગથી યોગ દિવસની ઉજવણી કરાઈ હતી અને મોટા વરાછા વિસ્તારમાં સુદામા ચોકના પ્લેટિનામ પોઈન્ટ ખાતે સવારે 6 થી 7 વાગ્યા દરમિયાન યોગની વિવિધ મુદ્રાઓ હાજર રહેલા મહિલા બાળકો સહિત સૌને શીખવવામાં આવી હતી.
ફિજીઓથેરપિસ્ટ, ન્યુટ્રિશનિષ્ટ તેમજ ફિટનેસ યોગા ટ્રેનર ડો. આફરીન જસાની તથા તેમની ટીમ દ્વારા યોગના ફાયદા વિશે પણ જાણકારી તેમજ માર્ગદર્શન આપવામાં આવ્યું હતું અને યોગ એક દિવસ માટે નહીં પણ કાયમી જીવનમાં લાવવાની પણ ભલામણ કરાઈ હતી અને આ સાથે દરેકને ગીર ગાયનું સ્વાસ્થવર્ધક A2 દૂધનું વિતરણ કરીને ટ્રસ્ટી ભૂપત સુખડિયા દ્વારા આ દૂધના ફાયદા વિશે પણ સમજ અપાઈ હતી.
નોંધનીય છે કે, ગીર ગાયનું 100 ટકા શુદ્ધ, સાત્વિક અને પૌષ્ટિક દૂધ એટલે A2 દૂધ, આ દૂધ 50થી વધુ પ્રકારની બીમારીઓ સામે રક્ષણ આપે છે. જેમાં ‘સેરીબ્રોસાઇડ’ નામનું તત્ત્વ હોય છે. જે માણસના મગજની કાર્યક્ષમતા વિકસાવે છે. દૂધમાં રહેલું વિટામીન ‘A’ આંખની કાર્યક્ષમતા અને વિટામીન ‘D’ કેલ્શિયમનું પાચન કરવામાં મદદ કરે છે. આથી સાંધાના દુઃખાવામાં રાહત મળે છે અને આ દૂધ શરીરમાં પોઝિટિવ કોલેસ્ટેરોલનો વધારો કરે છે અને મોટાપો ઘટાડે છે. આથી મોટા ભાગના ડોક્ટરો ગીર ગાયના A2 દૂધ પીવાની સલાહ આપે છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
