અયોધ્યામાં ભવ્ય રામ મંદિરના નિર્માણ માટે શ્રી રામ જન્મભૂમિ તીર્થ ક્ષેત્ર ટ્રસ્ટની ‘નિધિ સમર્પણ યોજના’ હેઠળ દાન આપવાની પ્રક્રિયા ચાલુ છે. પરંતુ આ સમયગાળા દરમિયાન 22 કરોડથી વધુના 15,000 ચેક પણ બાઉન્સ થયા છે.
વિશ્વ હિંદુ પરિષદના જિલ્લા એકમો દ્વારા જારી કરાયેલા અહેવાલ મુજબ, રામ મંદિર ટ્રસ્ટને દાન તરીકે અત્યાર સુધીમાં 3,400 કરોડ રૂપિયાની રકમ મળી છે.અને આ જ રિપોર્ટમાં દાનમાં આપેલા પૈસા સંબંધિત બેંક ચેક બાઉન્સ થવાની માહિતી પણ આપવામાં આવી છે પરંતુ તેના કારણોનો ઉલ્લેખ કરવામાં આવ્યો નથી જેને લઈને શ્રી રામ જન્મભૂમિ તીર્થ ક્ષેત્ર ટ્રસ્ટના ઑફિસ મેનેજર પ્રકાશ ગુપ્તાએ સોમવારે જણાવ્યું હતું કે બાઉન્સ થયેલા ચેક વિશે એક અલગ રિપોર્ટ તૈયાર કરવામાં આવી રહ્યો છે જેથી એ જાણવા માટે કે કયા ચેક બાઉન્સ થયા અને તે રદ થયા અને તેના કારણો શું છે.
તેમણે કહ્યું કે સ્પેલિંગ મિસ્ટેક અથવા સિગ્નેચર મિસમેચ અને અન્ય ટેકનિકલ કારણોસર ઘણા ચેક બાઉન્સ થયા હોઈ શકે છે, નાની ભૂલોને કારણે બાઉન્સ થયેલા ચેક ફરીથી બેંકમાં રજૂ કરવામાં આવશે. રિપોર્ટમાં કહેવામાં આવ્યું છે કે અયોધ્યામાં રહેતા દાતાઓના ચેક સૌથી વધુ બાઉન્સ થયા છે અને એકલા અયોધ્યા જિલ્લામાં જ બે હજારથી વધુ ચેક બાઉન્સ થયા છે.
પ્રકાશ ગુપ્તાએ જણાવ્યું કે રામ મંદિરના નિર્માણ માટે એક લાખથી પાંચ લાખ રૂપિયાનું દાન આપનારા લોકોની સંખ્યા 31,663 છે અને તેવી જ રીતે 1428 લોકોએ પાંચથી 10 લાખ રૂપિયાનું દાન આપ્યું છે. આ સિવાય 950 લોકોએ 10 થી 25 લાખ રૂપિયાનું દાન કર્યું છે. તે જ સમયે, એવા 123 લોકો છે જેમણે 25 થી 50 લાખ રૂપિયાની વચ્ચે દાન કર્યું છે અને આ સિવાય 127 લોકોએ 50 લાખથી એક કરોડ રૂપિયાનું દાન કર્યું છે તેમજ 74 લોકો એવા છે જેમણે એક કરોડ રૂપિયાથી વધુનું દાન કર્યું છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
