એલન મસ્કે આખરે ટ્વિટર ખરીદવાનો સોદો રદ કર્યો છે. તે આ માઇક્રો બ્લોગિંગ સાઇટને 44 અબજ ડોલરમાં ખરીદવા માંગતો હતો. સમાચાર અનુસાર, વિશ્વના સૌથી ધનિક વ્યક્તિ અને ટેસ્લાના સીઇઓએ સોદો રદ કરવા માટે ટ્વિટરને જવાબદાર ઠેરવ્યું છે. તેમણે કહ્યું કે, ટ્વિટર નકલી એકાઉન્ટ વિશે માહિતી આપવામાં નિષ્ફળ ગયું અને તેના પર વિલીનીકરણ કરારની ઘણી શરતોનો ભંગ કરવાનો પણ આરોપ હતો. મસ્કની આ જાહેરાત બાદ ટ્વિટરના શેરમાં 7 ટકાનો ઘટાડો થયો હતો.
સાન ફ્રાન્સિસ્કોની 16 વર્ષ જૂની ટ્વિટર કંપની અને એલન મસ્ક હવે લાંબી કોર્ટ લડાઈનો સામનો કરી શકે છે કારણ કે, ટ્વિટરના ચેરમેન બ્રેટ ટાયલોએ જણાવ્યું છે કે, કંપનીના બોર્ડે મર્જર કરારને લાગુ કરવા માટે કોર્ટમાં જવાનું નક્કી કર્યું છે અને તેમણે કહ્યું કે, બોર્ડ એલન મસ્ક સાથે સંમત થયા હતા તે જ શરતો અને કિંમત પર આ કરાર કરવા માટે પ્રતિબદ્ધ છે.
એલન મસ્કના વકીલોએ એક અરજીમાં જણાવ્યું હતું કે, વારંવાર વિનંતી કરવા છતાં, ટ્વિટર નિષ્ફળ થયું અથવા તેના નકલી અથવા સ્પામ એકાઉન્ટ્સ વિશે માહિતી આપવાનો ઇનકાર કર્યો, જે કંપનીના વ્યવસાયિક પ્રદર્શન માટે જરૂરી છે અને ફાઈલિંગમાં ટ્વિટર પર કરારનો ભંગ કરવાનો આરોપ મૂક્યો હતો અને કહ્યું હતું કે, ટ્વિટરે ખોટી અને ગેરમાર્ગે દોરનારી માહિતી પૂરી પાડી હતી. જેના આધારે મસ્કે મર્જર કરાર કરવાનો નિર્ણય લીધો હતો.
એપ્રિલમાં, વિશ્વના સૌથી અમીર વ્યક્તિ એલન મસ્કે ટ્વિટરને 44 બિલિયનમાં ખરીદવાની જાહેરાત કરી હતી. તે પછી એવી ઘણી તક આવી જ્યારે એવું લાગ્યું કે, તે આ ડીલને વળગી રહેશે અથવા તેને રદ કરશે. મસ્કે પાછળથી સોદો પડતો મૂક્યો અને કહ્યું કે, જ્યાં સુધી સોશિયલ મીડિયા કંપની સાબિત નહીં કરે કે, તેના સ્પામબોટ એકાઉન્ટ્સ કુલ વપરાશકર્તાઓના 5% કરતા ઓછા છે. કહેવામાં આવી રહ્યું છે કે, આ ડીલ કેન્સલ કરવા માટે એલન મસ્કને મોટી રકમ ચૂકવવી પડી શકે છે અને મર્જર કરારની શરતોનું પાલન ન કરવામાં પરિણામે 1 બિલિયન સુધીની બ્રેક-અપ ફી થઈ શકે છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
