ભારતીય ક્રિકેટ ટીમના પૂર્વ કેપ્ટન વિરાટ કોહલીનું ફોર્મ ક્રિકેટ જગતમાં સૌથી વધુ ચર્ચાનો વિષય બની ગયું છે અને છેલ્લા લગભગ પોણા ત્રણ વર્ષથી સદીની રાહ જોઈ રહેલો વિરાટ કોહલી હવે મોટો સ્કોર બનાવવામાંથી પણ ચુકી જાય છે. ઈંગ્લેન્ડ સામેની બીજી વનડેમાં વિરાટ કોહલી માત્ર 16 રન જ બનાવી શક્યો હતો અને જે બાદ તેના પર સવાલો ઉભા થયા હતા.
સાથી ક્રિકેટરો વિરાટ કોહલીના ખરાબ સમયમાં તેની સાથે ઉભા છે. કેપ્ટન રોહિત શર્માએ વિરાટ કોહલીનું સમર્થન કર્યું છે અને આ દરમિયાન ઈંગ્લેન્ડના કેપ્ટન જોસ બટલરે પણ વિરાટ કોહલી પર સવાલ ઉઠાવનારાઓ પર નિશાન સાધ્યું છે. જોસ બટલરનું કહેવું છે કે વિરાટ કોહલી એટલો મોટો ખેલાડી છે, જો તે કેટલીક મેચોમાં સ્કોર ન કરે તો તમે તેની પર સવાલો ન ઉઠાવી શકો. બીજી વનડેમાં ટીમ ઈન્ડિયાને હરાવ્યા બાદ જોસ બટલરે કહ્યું કે વિરાટ કોહલી પણ એક માણસ છે અને તે કેટલાક ઓછા સ્કોર પણ બનાવી શકે છે, પરંતુ આપણે જોવું જોઈએ કે તે વિશ્વના સર્વશ્રેષ્ઠ ખેલાડીઓમાંથી એક છે અને વનડેમાં તો તેનો કોઈ જવાબ નથી. આવી સ્થિતિમાં, જેઓ આટલા વર્ષોથી આટલી શાનદાર રમત બતાવી રહ્યા છે અને તેમની સાથે એવું પણ થઈ શકે છે કે તેઓ થોડા સમય માટે રન બનાવી શકતા નથી.
ઈંગ્લેન્ડના કેપ્ટને કહ્યું કે વિરોધી ખેલાડી તરીકે અમારા માટે તે વધુ સારું છે, કારણ કે તમને લાગે છે કે તેમનો સ્કોર અમારી સામે નથી આવતો. પરંતુ મેં કહ્યું તેમ, તેનો રેકોર્ડ પોતે જ બોલે છે, તેણે ભારત માટે જેટલી મેચો જીતી છે તે આશ્ચર્યજનક છે અને તો તમે તેના પર શા માટે સવાલો કરો છો?’
વિરાટ કોહલી હાલમાં બેટિંગ ફોર્મના ખરાબ સમયમાંથી પસાર થઈ રહ્યો છે. આવી સ્થિતિમાં ટીમમાં તેના સ્થાન પર સતત સવાલો ઉઠી રહ્યા છે. જોકે, કેપ્ટન રોહિત શર્માએ સ્પષ્ટ કર્યું છે કે ટીમ મેનેજમેન્ટ આ વિશે વિચારી રહ્યું નથી, અમને ખેલાડીની ગુણવત્તા પર વિશ્વાસ છે અને રોહિત શર્મા, જોસ બટલર ઉપરાંત પાકિસ્તાની ક્રિકેટ ટીમના કેપ્ટન બાબર આઝમે પણ વિરાટ કોહલીનું સમર્થન કર્યું હતું.
કોહલીનું સમર્થન કરતાં રોહિતે કહ્યું કે તમામ ખેલાડીઓનું ફોર્મ ઉપર-નીચે જતું રહે છે, પરંતુ કોહલીએ તેની કારકિર્દીમાં ઘણા રન અને સદી ફટકારી છે. તેમનામાં ગુણવત્તા છે. મોટા ખેલાડીઓને ફોર્મમાં પાછા ફરવા માટે એક કે બે સારી ઇનિંગ્સની જરૂર હોય છે. રોહિતને કોહલી વિશે સવાલ પૂછવામાં આવ્યો હતો કે આ સમયે કોહલીને લઈને ઘણી ચર્ચા થઈ રહી છે. તો આના પર રોહિતે તરત જ સામે સવાલ કર્યો કે, આવું કેમ થાય છે? મને સમજાતું નથી ભાઈ અને આ ઉપરાંત રોહિતે કહ્યું, ‘આટલા વર્ષોથી રમી રહ્યો છે. તેણે કેટલી મેચો રમી છે? તે આટલો સારો બેટ્સમેન છે, તેથી તેને આશ્વાસનની જરૂર નથી.’
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
