ગુજરાતના દાહોદ નજીક રવિવાર-સોમવારની રાત્રે એક મોટો ટ્રેન અકસ્માત થયો હતો. રતલામ રેલ્વે વિભાગમાં બે દિવસમાં આ બીજો મોટો ટ્રેન અકસ્માત છે અને આ દુર્ઘટનાને કારણે દિલ્હી-મુંબઈ રેલ લાઇન પરનો ટ્રાફિક ઠપ થઈ ગયો છે. ગુજરાતના દાહોદ નજીક રવિવારે મોડી રાત્રે 1 વાગ્યે મંગલમઉડી અને લીમખેડા સ્ટેશનો વચ્ચેથી પસાર થતી એક માલગાડી પાટા પરથી ઉતરી ગઈ હતી. તેના 16 કોચ પાટા પરથી ઉતરી ગયા હતા. દુર્ઘટનાની માહિતી મળતા જ DRM સહિત રતલામ રેલવે ડિવિઝનના વરિષ્ઠ અધિકારીઓ ઘટનાસ્થળે પહોંચી ગયા હતા અને આ દુર્ઘટનાને કારણે દિલ્હી-મુંબઈ રૂટની 20થી પણ વધુ ટ્રેનોને અસર થઈ છે.
મળતી માહિતી મુજબ 58 ડબ્બાવાળી આ ટ્રેન રતલામથી મુંબઈ જઈ રહી હતી અને આ દરમિયાન તે મંગલમઉડી અને લીમખેડા સ્ટેશન વચ્ચેથી પસાર થઈ ત્યારે તે અકસ્માતનો ભોગ બની હતી. તેના 16 ડબ્બા પાટા પરથી ઉતરી ગયા હતા. દુર્ઘટનાની માહિતી મળતાં જ DRM સહિત રતલામ રેલવે વિભાગના ઉચ્ચ અધિકારીઓ ઘટનાસ્થળે પહોંચી ગયા હતા અને રાહત અને બચાવ કાર્ય શરૂ કરી દીધું હતું અને આ અકસ્માતને કારણે દિલ્હીથી મુંબઈ જતી 20થી વધુ ટ્રેનોને અસર થઈ છે. આ ટ્રેનો અમદાવાદ, પાલનપુર, અજમેર અને ચિત્તોડગઢ રૂટ પરથી ચલાવવામાં આવી રહી છે.
કહેવામાં આવી રહ્યું છે કે હાલ પૂરતું આ ઘટનાનું કારણ બહાર આવ્યું નથી. અકસ્માત એટલો ભયાનક હતો કે ગુડ્ઝ ટ્રેનના વેગનથી અપ અને ડાઉન બંને રેલવે ટ્રેક ધરાશાયી થઈ ગયા હતા. અકસ્માતને કારણે ઓવરહેડ વીજળીની લાઈન પણ તૂટી ગઈ હોવાનું જાણવા મળે છે. તેને રિપેર કરવામાં સમય લાગી શકે છે અને અધિકારીઓએ કહ્યું કે રેલવેની પ્રથમ પ્રાથમિકતા ડબ્બાઓને અલગ કરીને આ માર્ગને સાફ કરવાની છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
