રસ્તા પર વાહન ચલાવતી વખતે ચલણ કપાઈ ન જાય તેનું ખાસ ધ્યાન રાખવું પડે છે અને સરકાર તરફથી આવા ઘણા નિયમો છે જેનું પાલન કરવું જરૂરી છે. સામાન્ય રીતે લોકોને ઝડપથી વાહન ચલાવવા માટેની સજા ભોગવવી પડે છે. પરંતુ હવે ડર ધીમા વાહનો ચલાવનારાઓને પણ છે. કારણ કે હવે સ્લો ડ્રાઇવિંગ પર પણ ચલણ કપાય છે.
વાસ્તવમાં હવે સરકાર ખુદ ઇચ્છે છે કે હાઇવે પર વાહનોની ઝડપ વધે. પરંતુ તેમ ન કરનારનું ચલણ પણ કાપવામાં આવે છે. આ ચલણ રૂ. 500 થી રૂ. 2000 સુધીનું હોઈ શકે છે. દિલ્હી-મેરઠ એક્સપ્રેસ વે પર પણ આવું જ કરવામાં આવશે અને દિલ્હી-મેરઠ એક્સપ્રેસવે દેશના સૌથી ટોચના હાઇવે પૈકીનો એક છે.
તમને જણાવી દઈએ કે દેશમાં મોટાભાગના અકસ્માત ઓવરટેકિંગ દરમિયાન થાય છે. ઓવરટેક કરતી વખતે તમારે તમારા વાહનની ઝડપનું ખાસ ધ્યાન રાખવું પડશે. ખાસ કરીને સિંગલ રોડ પર ઓવરટેક કરતી વખતે ડ્રાઇવરોએ ખૂબ કાળજી રાખવી પડે છે અને તેવી જ રીતે હવે જો તમે એક્સપ્રેસ વે પર વાહન ચલાવતા હોવ તો ઓવરટેક કરતી વખતે નિર્ધારિત સ્પીડ લિમિટ કરતા ઓછી ઝડપે ગાડી ચલાવવા બદલ તમને દંડ પણ થઈ શકે છે.
ઉલ્લેખનીય છે કે આ સર્વશ્રેષ્ઠ હાઇવે હજુ પણ સંપૂર્ણ રીતે બનીને તૈયાર થયો નથી. દિલ્હી તરફથી મેરઠ જતા માર્ગ પર ગાઝિયાબાદના લાલકુઆ ફ્લાયઓવર પાસે આજે પણ આ હાઈવે પર નિર્માણ કાર્ય ચાલી રહ્યું છે. ગાઝિયાબાદથી મેરઠ જતા સમયે, વિજય નગર, ક્રોસિંગ રિપબ્લિક સોસાયટીની સામે આ હાઇવે પર ઘણીવાર જામ જોવા મળે છે.
આ નવી જાહેરાતોમાં એ પણ ઉલ્લેખ કરવામાં આવશે કે જો ડ્રાઇવરો નિર્ધારિત મર્યાદા કરતા ઓછી ઝડપે વાહન ચલાવતા પકડાશે તો તેમની પાસેથી 500 થી 2000 રૂપિયા સુધીનું ચલણ પણ કાપવામાં આવશે અને જે રીતે નિર્ધારિત સ્પીડથી વધુ સ્પીડમાં વાહન ચલાવનારનું ચલણ કાપવાનો નિયમ છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
