જમ્મુ-કાશ્મીરના કુલગામ જિલ્લાના કાઠપોરા વિસ્તારમાં બુધવારે સવારથી સુરક્ષાદળો અને આતંકવાદીઓ વચ્ચે એન્કાઉન્ટર શરૂ થયું છે અને આ અથડામણમાં એક જવાન ઘાયલ થયો છે. 2 થી 3 આતંકીઓ છુપાયા હોવાના સમાચાર છે. સેના અને પોલીસે આતંકીઓને ઘેરી લીધા છે. જમ્મુ-કાશ્મીર પોલીસે માહિતી આપી છે કે કુલગામમાં આતંકવાદીઓ સાથે અથડામણ ચાલી રહી છે. આ ઓપરેશનમાં સેના અને પોલીસ બંને સાથે છે.આપને જણાવી દઈએ કે 24 જુલાઈના રોજ કુલગામના રામપોરા વિસ્તારમાં સુરક્ષાદળો અને આતંકવાદીઓ વચ્ચે અથડામણ થઈ હતી અને તે જ સમયે, થોડા દિવસો પહેલા, આતંકવાદી સંગઠન લશ્કર-એ-તૈયબામાં ભરતી થયેલા બે યુવાનોએ જમ્મુ અને કાશ્મીરના કુલગામ જિલ્લામાં સુરક્ષા દળો સમક્ષ આત્મસમર્પણ કર્યા બાદ તેમના માતાપિતાએ ભાવનાત્મક અપીલ કરી હતી.
નદીમ અબ્બાસ ભટ (18) અને કફીલ મીર (19) પખવાડિયા પહેલા લશ્કર-એ-તૈયબામાં જોડાયા હતા. અધિકારીઓના જણાવ્યા અનુસાર નદીમ અબ્બાસ ભટ કૈમોહના રાશીપુરાનો રહેવાસી હતો અને કફિલ મીર મીરપુરાનો રહેવાસી હતો. બાતમી પર કાર્યવાહી કરતા પોલીસ અને સેનાએ કુલગામ જિલ્લાના હડીગામ વિસ્તારમાં ઘેરાબંધી કરી હતી અને જ્યાં તેમને બે આતંકવાદીઓ છુપાયા હોવાની આશંકા હતી. મધ્યરાત્રિએ થોડો સમય એન્કાઉન્ટર ચાલ્યું અને સુરક્ષા દળોએ તે ઘરની ઘેરાબંધી મજબૂત કરી. આ દરમિયાન ખબર પડી કે આ બંને આતંકીઓની નવી ભરતી કરવામાં આવી છે અને આ પછી તેના માતા-પિતાને બોલાવવામાં આવ્યા અને તેમને અપીલ કરવામાં આવી, ત્યારબાદ બંનેએ સરેન્ડર કર્યું.
મળતા મીડિયા રિપોર્ટ્સ અનુસાર, જાન્યુઆરીથી 23 જુલાઈ સુધી ઘાટીમાં સુરક્ષા દળો દ્વારા એન્કાઉન્ટરમાં 118 આતંકવાદીઓ માર્યા ગયા છે અને જેમાં 32 વિદેશી આતંકવાદીઓનો સમાવેશ થાય છે. આઈજીપી કાશ્મીરના જણાવ્યા અનુસાર, 118 આતંકવાદીઓમાંથી 77 લશ્કર-એ-તૈયબાના સભ્યો હતા. 26 આતંકીઓ જૈશ-એ-મોહમ્મદના હતા
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
