UPના રાયબરેલીમાં પોલીસે 29 લક્ઝુરિયસ વાહનોની ચોરી કરનારા અડધો ડઝન એવા શાતિર ચોરોની ધરપકડ કરવામાં સફળતા મેળવી છે. જ્યારે સદર કોતવાલી પોલીસ અને SOGની ટીમને બાતમીદાર પાસેથી ચોરો આવ્યાની માહિતી મળી અને ત્યારે ટીમે આ વિસ્તારના ગોરા બજાર પાવર હાઉસની પાછળથી ચોરાયેલી બે કાર સાથે અડધો ડઝન લોકોની ધરપકડ કરી હતી.પકડાયેલા ગુનેગારોના ઈશારે પોલીસે 29 લક્ઝુરિયસ કાર કબજે કરી છે. પોલીસના જણાવ્યા મુજબ, આ શાતિર ચોરો કારની રેકી કરીને ચોરી કરતા હતા અને તેના એન્જીન નંબર અને ચેસીસ નંબર બદલીને નકલી રજીસ્ટ્રેશન કરાવીને તે સામાન્ય માણસને વેચતા હતા.
હાલ તેના અડધો ડઝન સાગરિતો ફરાર છે, જેમની શોધ ચાલી રહી છે, ટૂંક સમયમાં તેઓ પણ પોલીસના સકંજામાં આવી જશે અને તમે તસવીરમાં એક લાઈનમાં પાર્ક કરેલા જે વાહનો જોઈ રહ્યા છો તે કોઈ શોરૂમમાં નથી પરંતુ રાયબરેલીના પોલીસ અધિક્ષકની ઓફિસના પરિસરમાં છે.આ વાહનો દિલ્હી, નોઈડા અને અન્ય શહેરોમાંથી ચોરવામાં આવ્યા હતા અને રાયબરેલીમાં વેચાણ માટે મૂકવામાં આવ્યા હતા અને જિલ્લાની SOG ટીમ અને સદર કોતવાલી પોલીસ ટીમને બાતમીદાર પાસેથી માહિતી મળી હતી કે, ગોરા બજાર પાવર હાઉસ પાસે કેટલાક લોકો હાજર છે અને તેઓની પાસે ચોરી કરેલી કારો છે.
માહિતી મળતાની સાથે જ પોલીસની સંયુક્ત ટીમે સ્થળ પર દરોડો પાડ્યો હતો અને અડધો ડઝન જેટલા લોકોની ધરપકડ કરી હતી, જ્યારે તેમની પૂછપરછ કરવામાં આવી હતી, ત્યારે તેઓએ પડોશના એક વેરહાઉસમાં 31 લક્ઝરી વાહનોની હાજરીની માહિતી આપી હતી. ચોરો પાસેથી જપ્ત કરાયેલા વાહનોમાં Creta, Brezza, Amaze, Honda City, Severley Cruze, Hyundai, I20 જેવી લક્ઝરી કારનો સમાવેશ થાય છે.જ્યારે પકડાયેલા લુટારુઓની સઘન પૂછપરછ કરવામાં આવી ત્યારે તેઓએ જણાવ્યું કે, તેમની પાસે 12 લોકોનું જૂથ છે અને તે લોકો દિલ્હી, NCR, નોઈડા વગેરે શહેરોમાંથી વાહનોની રેકી કરે છે, અને તેમની ચાવીમાંથી ક્લોન બનાવીને વાહનોની ચોરી કરે છે.
પોલીસે તેમની પાસેથી એક લેપટોપ, ચાવીઓનો ગુચ્છો, પ્રિન્ટર વગેરે કબજે કરી તેમના ફરાર સાથીઓની પણ શોધખોળ શરૂ કરી દીધી હતી.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
