ગોલ્ડ લોન કંપની મુથુટ ફાઇનાન્સના શેર મંગળવારે શેરબજારમાં તૂટ્યા હતા અને કંપનીના શેરમાં આ ઘટાડો ચાલુ નાણાકીય વર્ષના પ્રથમ ત્રિમાસિક ગાળાના નબળા પરિણામોને કારણે થયો હતો. મુથુટ ફાઇનાન્સનો શેર મંગળવારે બોમ્બે સ્ટોક એક્સચેન્જ (BSE) પર શરૂઆતના વેપારમાં 15 ટકા ઘટીને રૂ. 1009.80ની નીચી સપાટીએ પહોંચ્યો હતો અને હાલમાં કંપનીનો શેર 12.46 ટકાના ઘટાડા સાથે રૂ.1039.90 પર ટ્રેડ થઈ રહ્યો છે.
મુથુટ ફાઇનાન્સના શેરમાં આ વર્ષે અત્યાર સુધીમાં લગભગ 33 ટકાનો ઘટાડો થયો છે અને વર્ષની શરૂઆતમાં, 3 જાન્યુઆરી, 2022ના રોજ, બોમ્બે સ્ટોક એક્સચેન્જ (BSE) પર કંપનીના શેર રૂ. 1540.40ના સ્તરે હતા. હાલમાં, કંપનીના શેર 16 ઓગસ્ટ 2022ના રોજ BSE પર રૂ. 1039.90 પર ટ્રેડ થઈ રહ્યા છે. છેલ્લા 6 મહિનામાં મુથુટ ફાઇનાન્સના શેરમાં 23%થી વધુનો ઘટાડો થયો છે. તે જ સમયે, છેલ્લા 5 વર્ષમાં, કંપનીના શેર BSE પર 125% ની નજીક ચઢી ગયા છે.
ગોલ્ડ લોન બિઝનેસમાં નબળાઈને કારણે જૂન 2022 ક્વાર્ટરમાં મુથૂટ ફાઈનાન્સનો નફો 17.4% ઘટ્યો હતો. ગોલ્ડ લોન સેગમેન્ટ કંપનીની એકંદર એસેટ અંડર મેનેજમેન્ટ (AUM) ના 90% થી વધુ હિસ્સો ધરાવે છે. આ સિવાય કંપનીના ગ્રાહક આધારમાં પણ ઘટાડો થયો છે અને ચાલુ નાણાકીય વર્ષના પ્રથમ ત્રિમાસિક ગાળામાં નબળા પરિણામો હોવા છતાં, કંપનીના મેનેજમેન્ટે FY2023 માટે 10-15%ની AUM વૃદ્ધિ જાળવી રાખી છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
