ગુજરાત ઈલેક્શન 2022 : ગોંડલ બેઠક પરના ત્રણેય ઉમેદવારે જાહેર કરી સંપત્તિ

ગુજરાત વિધાનસભાની ચૂંટણીના પ્રથમ તબક્કાના મતદાનને હવે 16 દિવસની વાર છે ત્યારે રાજકીય પક્ષો જોરદાર પ્રચાર કરી રહ્યા છે. ગઈકાલે પ્રથમ તબક્કા માટે ઉમેદવારોએ ફોર્મ ભર્યા હતા. રાજકોટ સહીત સૌરાષ્ટ્રની 34 બેઠકો માટે ઉમેદવારોએ ફોર્મ ભર્યું હતું. સૌરાષ્ટ્રમાં કુલ 736 ઉમેદવારોએ ચૂંટણી અધિકારી પાસે ફોર્મ ભર્યા હતા. ગઈકાલે વિધાનસભાની ચૂંટણીના પ્રથમ તબક્કા માટે ફ્રોમ ભરવાનો છેલ્લો દિવસ હોય તેથી ઉમેદવારોનો ઘસારો જોવા મળી રહ્યો હતો.  આ વર્ષે ઉમેદવારોનો રાફડો ફાટ્યો છે.  સૌરાષ્ટ્રની ખુબ જ ચર્ચા ધરાવેલી ગોંડલ બેઠક પર સૌની નજર છે. આ બેઠક પર પણ ત્રિપાંખીયો જંગ જામશે. ગોંડલ બેઠક પર ઉમેદવારોએ ફોર્મની સાથે તેમની સંપત્તિની વિગત પણ જાહેર કરી હતી.

સૌરાષ્ટ્રની બેઠક માટે જાહેર કરાયેલા ઉમેદવારોમાં ગોંડલ ભાજપમાંથી ગીતાબા જાડેજાએ ઉમેદવારી ફોર્મ ભર્યું છે. ભાજપે ગીતાબા જાડેજાને રિપીટ કર્યા છે. ગીતાબા જાડેજાએ ભરાયેલા ફોર્મમાં તેમની સંપત્તિ જાહેર કરી હતી. નામાંકન પત્રમાં 46 લાખ રૂપિયાની સંપત્તિ જાહેર કરી હતી. તેઓ પાસે એક કર અને 250 ગ્રામ સોનુ તેમજ ખેતીવાડી હોવાનું જણાવ્યું હતું. કોંગ્રેસના ઉમેદવાર યતિશ્ભાઈ દેસાઈએ પાંચ વર્ષમાં આઇટી રિટર્ન સરેરાશ 10 લાખ રૂપિયા દર્શાવ્યા છે. તેમની હાથ પર રોકડા 12.50 લાખ અને એક ગાડી મળી કુલ સંપત્તિ 1.65.25000 દર્શવવામાં આવી છે. આમ આદમી પાર્ટીના ઉમેદવાર નિમિષાબેન ખૂંટ દ્વારા રોકડા રૂપિયા દોઢ લાખ ફિક્સ ડિપોઝિટ 75000 અને તેમની પાસે મિલક્તમાં 11 લાખ દર્શવવામાં આવી છે.

ઉલ્લેખનીય છે કે ગુજરાતમાં પ્રથમ તબક્કાનું મતદાન આગામી ડિસેમ્બરની પહેલી તારીખે થવાનું છે. ગુજરાતમાં વિધાનસભાના ચૂંટણીના પહેલા તબક્કાના મતદાન માટે રાજકીય પક્ષો તેજ ગતિથી પ્રચાર કરી રહી છે. ગુજરાતમાં સૌરાષ્ટ્રની બેઠકો પર સૌની નજર રહેશે. ગુજરાતમાં જેમ જેમ ચૂંટણી નજીક આવી રહી છે તેમ તેમ રાજકીય સમીકરણો બદલાઈ રહ્યા છે. આ વર્ષે વિધાનસભાની ચૂંટણીમાં ત્રિપાંખીયો જંગ જામ્યો છે.