છેતરપિંડીના ગુન્હામાં પકડાયેલ આરોપી સામે અમદાવાદમાં અનેક પોલીસ સ્ટેશનમાં ગંભીર ગુન્હા નોંધાયેલા હોવાની સાથે સુરત લાજપોર જેલમાં પાસા હેઠળ 6 મહિનાની સજા પણ ભોગવી ચુક્યો છે.
News Detail
મોડાસા શહેરના માલપુર રોડ પર આવેલા હનુમાન મંદિર નજીક લગ્ન માટે દોઢ લાખ રૂપિયા લઈને વતન નીકળેલ યુવકની સાથે બે ગઠિયા કળા કરી જતા ટાઉન પીઆઈ બી.કે.ભરાઈ અને તેમની ટીમે સીસીટીવી કેમેરા રેકોર્ડિંગ અને બાતમીદારોને સક્રિય કરી હિંમતનગર પોલોગ્રાઉન્ડમાં રહેતા સલાટ ગેંગના વિજય દોલાજી મારવાડી અને કાયદાના સંઘર્ષમાં આવેલા સગીરને દબોચી લઇ કાયદેસરની કાર્યવાહી હાથ ધરી હતી ટાઉન પોલીસે ગણતરીના કલાકોમાં ગુન્હાનો ભેદ ઉકેલી નાખ્યો હતો છેતરપિંડીના ગુન્હામાં પકડાયેલ આરોપી સામે અમદાવાદમાં અનેક પોલીસ સ્ટેશનમાં ગંભીર ગુન્હા નોંધાયેલા હોવાની સાથે સુરત લાજપોર જેલમાં પાસા હેઠળ 6 મહિનાની સજા પણ ભોગવી ચુક્યો છે.
મોડાસા ટાઉન પોલીસે સીસીટીવી કેમેરામાં એક નંબર વગરની સ્પ્લેન્ડર બાઈકની ઓળખ કરી બાઈક પર પસાર થતા બે ઈસમો પાસે થેલો જોવા મળ્યા હતા બાઈક પર રહેલા ઈસમો અંગે નેત્રમ અને અન્ય સીસીટીવી કેમેરાનું એનાલીસ કરી બાઈક હિંમતનગર રોડ તરફ જતું જોવા મળતા ટાઉન પોલીસ તાબડતોડ હિંમતનગર પહોંચી બાતમીદારો સક્રિય કરતા બંને આરોપીને દબોચી લેવામાં સફળતા મળી હતી પોલીસે આરોપી પાસેથી 1.45 લાખ રોકડા,10 હજારનો મોબાઇલ રિકવર કરી ગુન્હામાં વપરાયેલ 70 હજારની બાઈક સાથે 2.25 લાખનો મુદ્દામાલ રિકવર કર્યો હતો
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
