વંદે ભારત એક્સપ્રેસ ફરી એક વખત અકસ્માતનો ભોગ બની છે. આ ઘટના ગુજરાતના વલસાડના ઉદવાડામાં બની છે. અહીં અચાનક એક ગાય ટ્રેક પર આવી અને ટ્રેન સાથે અથડાઈ. આ પછી વંદે ભારત એક્સપ્રેસના આગળના ભાગને નુકસાન થયું હતું. આ પછી ટ્રેન 15-20 મિનિટ સુધી ઉભી રહી અને ત્યારપછી ટ્રેન સંજન રેલવે સ્ટેશન પર ઉભી કરી મુંબઈ જવા રવાના થઈ હતી.
વંદે ભારત એક્સપ્રેસ ગુરુવારે ગાંધીનગરથી મુંબઈ જઈ રહી હતી. ટ્રેન ઉદવાડા રેલ્વે સ્ટેશન પાસેથી પસાર થઈ રહી હતી ત્યારે ગાય સાથે અથડાઈ હતી. આ 5મી વખત છે જ્યારે વંદે ભારત એક્સપ્રેસ ટ્રેનને અકસ્માત થયો છે આ અગાઉ વલસાડ જિલ્લાના અતુલ ખાતે વંદે ભારત ટ્રેનને અકસ્માત નડ્યો હતો.
– 8 નવેમ્બર- ગુજરાતના આણંદમાં વંદે ભારત ટ્રેનની અડફેટે આવી જતાં એક મહિલાનું મોત નિપજ્યું હતું.
29 ઓક્ટોબરના રોજ ગાંધીનગરથી મુંબઈ જઈ રહેલી વંદે ભારત એક્સપ્રેસને વલસાડના અતુલ ખાતે અકસ્માત નડ્યો હતો. અચાનક આખલો ટ્રેનની સામે આવી જતાં ટ્રેનના આગળના ભાગને નુકસાન થયું હતું તેમજ જો કે આ દરમિયાન કોઈ મુસાફરને ઈજા થઈ ન હતી.
રેલવે અધિકારીઓએ હાલમાં જ જણાવ્યું હતું કે વંદે ભારત એક્સપ્રેસના નાકના શંકુને એવી રીતે ડિઝાઇન કરવામાં આવ્યો છે કે તે ટક્કર બાદ પણ ટ્રેન અને તેમાં બેઠેલા મુસાફરોને નુકસાન ન થવા દે. મોટાભાગની પ્રીમિયમ ટ્રેનોમાં આગળના ભાગને શંકુ આકારમાં રાખવામાં આવે છે. આ ભાગ મજબૂત ફાઇબર પ્લાસ્ટિકનો બનેલો છે. કોઈપણ પ્રકારની અથડામણમાં, ફક્ત આગળના શંકુ આકારના ભાગને નુકસાન થાય છે અને વાહનના અન્ય ભાગો, ચેસિસ અને એન્જિનને નુકસાન થતું નથી.
આ વર્ષે 4 હજાર ટ્રેનો ઢોરથી પ્રભાવિત
પાટા પર ઢોર સાથે અથડાયા બાદ વંદે ભારત એક્સપ્રેસ ટ્રેનને નુકસાન થયાના ઘણા અહેવાલો છે. જો કે, આ સમસ્યા માત્ર આ ટ્રેનો સુધી સીમિત નથી. સત્તાવાર માહિતી અનુસાર, પશુઓની સમસ્યાને કારણે ઓક્ટોબરના પ્રથમ 9 દિવસમાં 200 થી વધુ ટ્રેનોની અવરજવરને અસર થઈ છે જ્યારે બીજી તરફ આ વર્ષની વાત કરીએ તો 4 હજારથી વધુ ટ્રેનો ઢોરને કારણે પ્રભાવિત થઈ છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
