મોટાભાગના ઘરોમાં જમવા માટેનો સમય નક્કી જ હોય છે. સવારે અને રાત્રે બધા પરિવારના સભ્યો સાથે બેસીને જમતા હોય અથવા તો જે રીતે નોકરી-ધંધા પર જવાનું અને આવવનું હોય તે પ્રમાણે પોતાને પસંદ આવે તે સમયે જમતા હોય છે. પરંતુ આરોગ્યની બાબતે વાત કરીએ તો, રાતનું ભોજન વહેલા કરી લેવુ જોઇએ. રાત્રે મોડા જમવાના ઘણા ગેરફાયદા છે. વ્યક્તિ મોડા જમે એટલે તેની ભૂખ પણ ઓછી થઇ જાય છે, અને એટલા મોડા ખોરાક પચવામાં પણ મુશ્કેલી પડે છે. લાબા ગાળે અનેક બીમારીઓ થવાની શક્યતા રહે છે. જ્યારે રાત્રે વહેલા જમવાના અનેક લાભો છે. જે તમારી લાઇફસ્ટાઇલને હેલ્ધી અને ખુશ બનાવે છે. તો ચાલો જાણીએ રાત્રે વહેલા જમવાથી થતા લાભ.
વહેલા જમવાથી તમારુ પાચન વધારે સારુ થાય છે, એસિડિટી અને કબજીયાતની સમસ્યા પણ ઓછી હોય છે. તેથી રાત્રે ભોજન વેલા કરી લેવુ જોઇએ.જો તમે વજન ઘટાડવા ઇચ્છો છો તો તમારે રાત્રે મોડામાં મોડા 7 વાગ્યા પહેલા ભોજન કરી લેવુ જોઇએ. તેનાથી તમને વજન ઘટાડવામાં મદદ મળશે. તે સાથે જ રાત્રે ભોજન કર્યા પછી 15થી 30 મિનિટ સુધી ચાલવું જોઇએ. વહેલા જમી લીધુ હોય તો ખોરાકને પચવામાં પણ મદદ મળે છે, સાથે સાથે ઊંઘ પણ સારી આવે છે. સવારે તમને ફ્રેશ અનુભવ થાય છે. અને બ્લડશુગર પણ લેવલ માં રહે છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
