વડાપ્રધાન નરેન્દ્ર મોદી હાલ અમેરિકાના પ્રવાસે છે અને આ દરમિયાન હવે ભારતને લઈ રશિયા તરફથી એક મોટું નિવેદન સામે આવ્યું છે. વૈશ્વિક સ્તરે, ભારત અને રશિયા વચ્ચેના સંબંધો ખૂબ સારા છે. આના ઘણા ઉદાહરણો છે જેમ કે રશિયાએ તાજેતરના ભૂતકાળમાં જે રીતે ભારતને ઓછી કિંમતે તેલ પૂરું પાડ્યું અને ભારતે રશિયા-યુક્રેન યુદ્ધને રાજદ્વારી રીતે સંભાળ્યું. બંને દેશો વચ્ચેના સંબંધો ઘણા સારા રહ્યા છે. એક ખાનગી મીડીયાને આપેલ ઇન્ટરવ્યુમાં રશિયન રાજદૂત ડેનિસ અલીપોવે કહ્યું કે જ્યાં સુધી માંગ રહેશે ત્યાં સુધી રશિયા ભારતની ઊર્જા જરૂરિયાતોને પૂર્ણ કરવાનું ચાલુ રાખશે.
રશિયન રાજદૂત ડેનિસ અલીપોવે એક ખાનગી મીડીયાને આપેલ ઇન્ટરવ્યુમાં મોટું નિવેદન આપ્યું છે અને ડેનિસ અલીપોવે જણાવ્યું હતું કે, બંને પક્ષો ઊર્જા પુરવઠાને ટકાઉ બનાવવા અને વેપાર અસંતુલનને દૂર કરવાના માર્ગો પર કામ કરી રહ્યા છે. બીજી તરફ ડેનિસ અલીપોવનું કહેવું છે કે, રશિયામાં ચીનના વધતા પ્રભાવ પર રડવાને બદલે ભારતીય નિષ્ણાતો ભારતના વિકાસને પ્રોત્સાહન આપે તે વધુ સારું રહેશે.
રશિયાના રાજદૂતે ભારત-રશિયા સંબંધો પર વાત કરતા કહ્યું કે, અમારી અને ભારત વચ્ચે વ્યૂહાત્મક ભાગીદારી મજબૂત છે. તેનું મુખ્ય કારણ એ છે કે, ભારત કોઈ ખાસ કેમ્પ પસંદ કરતું નથી. તે તેના મૂલ્ય માટે સાચું રહે છે. આ સિવાય રશિયાના રાજદૂતે કહ્યું કે, રશિયા ભારતના વસુધૈવ કુટુમ્બકમને માને છે અને યુરોપમાંથી સમાન મૂલ્યની ઈચ્છા ધરાવે છે.
રશિયન રાજદૂતે તેલ પુરવઠા પર વાત કરતા કહ્યું કે, અમે વર્ષ 2022-2023માં ભારત સાથે US $ 44.4 બિલિયનનો વેપાર કર્યો છે અને જે ભારતીય તેલની આયાતના 1/3 કરતા વધુને આવરી લે છે. આ કારણે રશિયા ભારતના ઉર્જા પુરવઠામાં સૌથી મોટા સપ્લાયર તરીકે ઉભરી આવ્યું છે આ ઉપરાંત તેમણે કહ્યું કે, અમે ભારતને લાંબા સમય સુધી તેલ સપ્લાય કરવા માંગીએ છીએ કારણ કે, ભારત સૌથી ઝડપથી વિકસતું અર્થતંત્ર છે અને આ માટે આગામી સમયમાં તેલની માંગ વધવાની છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
