સિઝનની શરૂઆત પહેલા રોયલ ચેલેન્જર્સ બેંગ્લોરે એક ઈવેન્ટનું આયોજન કર્યું હતું. આ ઈવેન્ટમાં વિરાટ કોહલી અને ટીમના કેપ્ટન ફાફ ડુ પ્લેસિસ જોવા મળ્યા હતા. આ દરમિયાન વિરાટે ફેન્સને વિનંતી પણ કરી હતી.
દિલ્હી. વિરાટ કોહલી લાંબા વિરામ બાદ મેદાનમાં પરત ફરવા માટે તૈયાર છે. વિરાટ તેની આઇપીએલ ટીમ રોયલ ચેલેન્જર્સ બેંગ્લોર સાથે જોડાઈ ગયો છે. તેણે આઈપીએલની તૈયારીઓ પણ શરૂ કરી દીધી છે. સિઝનની શરૂઆત પહેલા રોયલ ચેલેન્જર્સ બેંગ્લોરે એક ઈવેન્ટનું આયોજન કર્યું હતું. આ ઈવેન્ટમાં વિરાટ કોહલી અને ટીમના કેપ્ટન ફાફ ડુ પ્લેસિસ જોવા મળ્યા હતા. આ દરમિયાન વિરાટે ફેન્સને વિનંતી પણ કરી હતી.
ઈવેન્ટ દરમિયાન હોસ્ટ વારંવાર વિરાટ કોહલીને કિંગ કહી રહ્યો હતો. વિરાટને આ પસંદ ન આવ્યું અને તેણે આમ કરવાની ના પાડી. વિરાટે કહ્યું, “સૌથી પહેલા તમે મને કિંગ કહેવાનું બંધ કરો. મહેરબાની કરીને મને વિરાટ કહો. હું હંમેશા કાફને કહું છું કે જ્યારે તમે મને આ શબ્દથી બોલાવો છો ત્યારે મને હંમેશા ખરાબ લાગે છે. મને વિરાટ કહો. હવેથી તમે મારા માટે આ શબ્દ વાપરશો નહીં.”
વિરાટ કોહલી આરસીબીનો મહત્વનો ખેલાડી છે. તેણે IPLની છેલ્લી સિઝનમાં 639 રન બનાવ્યા હતા. IPLની 16મી સિઝનમાં સૌથી વધુ રન બનાવનાર બેટ્સમેનોની યાદીમાં કોહલી ચોથા સ્થાને રહ્યો. કોહલી ઉપરાંત RCB પાસે કેમરોન ગ્રીનના રૂપમાં એક ઉત્તમ ઓલરાઉન્ડર છે, જ્યારે કેપ્ટન ફાફ ડુ પ્લેસિસની સાથે ગ્લેન મેક્સવેલ જેવા મજબૂત ખેલાડીઓનો પણ સમાવેશ થાય છે.
આરસીબીની સંપૂર્ણ ટીમઃ વિરાટ કોહલી, ફાફ ડુ પ્લેસિસ (કેપ્ટન), યશ દયાલ, ટોમ કરન, લોકી ફર્ગ્યુસન, સ્વપ્નિલ સિંહ, સૌરવ ચૌહાણ, રજત પાટીદાર, અનુજ રાવત, દિનેશ કાર્તિક, સુયશ પ્રભુદેસાઈ, વિલ જેક્સ, ગ્લેન મેક્સવેલ, મહિપાલ લોમરોર, કરણ શર્મા, મનોજ ભાંડગે, આકાશદીપ, મોહમ્મદ સિરાજ, રીસ ટોપલી, હિમાંશુ શર્મા, રાજન કુમાર, વિજયકુમાર, કેમેરોન ગ્રીન અને મયંક ડાગર.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
