Relationship Mistakes: સારા સ્વભાવના લોકોને એ વાતનો ખ્યાલ હોય છે કે સંબંધોમાં તેમનો લાભ લેવામાં આવે છે. પરંતુ તેમને એ વાતનો ખ્યાલ હોતો નથી કે લોકોને પોતાનો લાભ લેતા કેવી રીતે અટકાવવા? જે લોકો સાથે આવું થતું હોય તેમણે પોતાની 4 આદતોને બદલવી જોઈએ.
Relationship Mistakes:ઘણા લોકો સરળ સ્વભાવના અને સાફ દિલના હોય છે. આવા લોકો પરિવાર હોય કે ઓફિસ બીજાની મદદ કરવા માટે હંમેશા આગળ રહે છે. આવા લોકોને આદત હોય છે કે તે માંગ્યા વિના પણ મુસીબતમાં મદદ કરવા પહોંચી જાય છે. તેમના આવા સ્વભાવના વખાણ પણ થાય છે. પરંતુ ઘણી વખત આવા લોકોનો લાભ પણ લેવામાં આવે છે. બધાને મદદ કરતા આવા લોકોનો અન્ય લોકો લાભ ઉઠાવવા લાગે છે.
સરળ સ્વભાવના લોકો સંબંધોમાં પણ આ સમસ્યાનો સામનો કરે છે. સંબંધોમાં તેઓ સતત પ્રયત્ન કરતા રહે છે અને સામેની વ્યક્તિ કોઈ પણ પ્રકારના એફર્ટ કરતી નથી અને પોતાના પાર્ટનરનો યુઝ કરે છે. જે લોકોનો સ્વભાવ આવો હોય તેઓ પણ સમજતા હોય છે કે સામેની વ્યક્તિ તેમનો લાભ ઉઠાવે છે પરંતુ તેમને એ વાતનો ખ્યાલ હોતો નથી કે લોકોને પોતાનો લાભ લેતા કેવી રીતે અટકાવવા? જે લોકો સાથે આવું થતું હોય તેમણે પોતાની 4 આદતોને બદલવી જોઈએ. જો આ 4 આદતોમાં ફેરફાર કરવામાં આવે તો લોકો પણ લાભ ઉઠાવવાનું બંધ કરી દેશે.
બધાને સિક્રેટ ન જણાવો
જે લોકો દિલના સાફ હોય છે તે લોકો પોતાની પર્સનલ લાઇફની વાતો પણ સામેની વ્યક્તિને જણાવી દેતા હોય છે. આવા લોકો એ નથી વિચારતા કે સામેના વ્યક્તિના ઇન્ટેન્શન કેવા છે. તેથી સૌથી પહેલા આ આદતમાં ફેરફાર કરો. પોતાની જિંદગીના સિક્રેટ અન્યોને કહેવાનું બંધ કરી દો.
સંબંધોમાં મર્યાદા નક્કી કરો
પરિવાર હોય, મિત્રતા હોય કે ઓફિસમાં સાથે કામ કરતા કર્મચારી. દરેક સાથેના સંબંધમાં એક લિમિટ નક્કી હોવી જરૂરી છે. આ લિમિટ ને ક્યારેય કોઈએ ક્રોસ કરવી નહીં. જો તમે લિમિટની બહાર જઈને કોઈને પોતાના સમજી મદદ કરવા લાગશો તો તે તમારો ફાયદો ચોક્કસથી ઉઠાવશે.
પોતાનું વિચારીને નિર્ણય કરો
સરળ સ્વભાવના લોકો પોતાના નિર્ણયો લેતા પહેલા પણ બીજા વિષય વિચારે છે. કોઈ મહત્વનો નિર્ણય લેવાનો હોય તો તે બીજા પર નિર્ભર પણ રહેતા હોય છે. આવા લોકો કેટલીક વખત ખોટી સલાહનો શિકાર પણ થઈ જાય છે અને પછી પસ્તાવો કરવો પડે છે. તેથી પોતાનો નિર્ણય હંમેશા જાતે જ લેવાનું રાખો.
માંગ્યા વિના મદદ ન કરો
આ આદતમાં તુરંત ફેરફાર કરો. જો તમારી પાસે કોઈ મદદ ન માંગે તો મદદ કરવા માટે દોડી ન જવું. જો તમે માંગ્યા વિના પણ મદદ માટે તૈયાર રહેશો તો લોકો તમને ટેકન ફોર ગ્રાન્ટેડ સમજીને ફાયદો ઉઠાવશે. માંગ્યા વિના મદદ કરનાર વ્યક્તિનું કોઈ મહત્વ રહેતું નથી. તેથી જો કોઈ માંગે નહીં તો મદદ કરવા પહોંચી ન જવું.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
