નિફ્ટી પેક શેર્સમાં આજે શ્રીરામ ફાઈનાન્સે સૌથી વધુ 9.52 ટકાનો વધારો નોંધાવ્યો હતો.
આજે સપ્તાહના છેલ્લા ટ્રેડિંગ દિવસે શુક્રવારે શેરબજારમાં જબરદસ્ત તેજી જોવા મળી છે. બોમ્બે સ્ટોક એક્સચેન્જ ઈન્ડેક્સ સેન્સેક્સ આજે 1.62 ટકા,1292 પોઈન્ટના વધારા સાથે 81,332 પર બંધ રહ્યો હતો. બજાર બંધ સમયે સેન્સેક્સના 30 શેરોમાંથી 27 શેર લીલા નિશાન પર અને 3 શેર લાલ નિશાન પર હતા. નેશનલ સ્ટોક એક્સચેન્જ ઇન્ડેક્સ નિફ્ટી આજે 1.76 ટકા એટલે 428 પોઇન્ટના વધારા સાથે 24,834 પર બંધ થયો હતો. બજાર બંધ સમયે નિફ્ટીના 50 શેરોમાંથી 47 શેર લીલા નિશાન પર અને 3 શેર લાલ નિશાન પર હતા. બજારના આ ઉછાળાને કારણે આજે શેરબજારના રોકાણકારોને રૂ.7 લાખ કરોડનો નફો થયો છે.નિ
ફ્ટી પેક શેર્સમાં આજે શ્રીરામ ફાઈનાન્સે સૌથી વધુ 9.52 ટકાનો વધારો નોંધાવ્યો હતો. આ સિવાય સિપ્લા 5.76 ટકા, ડિવિસ લેબ 5.39 ટકા, ભારતી એરટેલ 4.32 ટકા અને એપોલો હોસ્પિટલ 4.14 ટકા નોંધાયા હતા. જ્યારે સૌથી મોટો ઘટાડો ONGCમાં 1.04 ટકા, નેસ્લે ઇન્ડિયામાં 0.11 ટકા અને HDFC બેન્કમાં 0.02 ટકા નોંધાયો હતો.
તમામ સૂચકાંકો લીલા નિશાન પર બંધ થયા
આજે સપ્તાહના છેલ્લા ટ્રેડિંગ દિવસે શુક્રવારે તમામ સેક્ટોરલ સૂચકાંકો લીલા નિશાન પર બંધ થયા હતા. સૌથી વધુ વધારો નિફ્ટી મેટલમાં 3.30 ટકા, નિફ્ટી આઇટીમાં 2.35 ટકા અને નિફ્ટી હેલ્થકેર ઇન્ડેક્સમાં 3.07 ટકા નોંધાયો હતો. આ ઉપરાંત નિફ્ટી મિડસ્મોલ હેલ્થકેર 1.45 ટકા, નિફ્ટી ઓઇલ એન્ડ ગેસ 0.40 ટકા, નિફ્ટી કન્ઝ્યુમર ડ્યુરેબલ્સ 1.38 ટકા, નિફ્ટી રિયલ્ટી 1 ટકા, નિફ્ટી પ્રાઇવેટ બેન્ક 0.68 ટકા, નિફ્ટી પીએસયુ બેન્ક 1.49 ટકા, નિફ્ટી ફાર્મા 2.7 ટકા વધ્યો હતો 1.77 ટકા, નિફ્ટી એફએમસીજી 0.87 ટકા, નિફ્ટી ફાઇનાન્શિયલ સર્વિસિસ 1.22 ટકા, નિફ્ટી ઓટો 2.43 ટકા અને નિફ્ટી બેન્ક 0.86 ટકા વધ્યા હતા.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
