અમેરિકામાં રહેવા અને કામ કરવા માટે H-1B વિઝા શોધતા લોકોની સંખ્યા મોટી છે. પરંતુ આ લોટરી સિસ્ટમમાં એટલા બધા છીંડા છે કે કેટલાક લોકો તેનો દુરુપયોગ કરે છે. મોટી આઈટી આઉટસોર્સિંગ કંપનીઓ અને સ્ટાફિંગ એજન્સીઓ આનો ભારે ફાયદો ઉઠાવે છે. તેના કારણે અમેરિકન ઈકોનોમીને નુકસાન જાય છે અને કાયદાનું પાલન કરનારાઓને ભોગવવું પડે છે.
અમેરિકામાં કોઈ પ્રોફેશનલે કામ કરવા જવું હોય તો H-1B વિઝાની જરૂર પડે છે
દર વર્ષે એપ્રિલમાં તેની લોટરી થાય છે તેથી ઘણા લોકોને ચાન્સ નથી મળતો
સ્કિલ્ડ વર્કરની અરજીઓની સંખ્યા મોટી હોય છે, માત્ર 85 હજાર લોકોને ચાન્સ મળે છે
અમેરિકાના H-1B વિઝા માટેની લોટરી સિસ્ટમ ફરી એક વખત વિવાદમાં આવી છે. આ સિસ્ટમ સામે વર્ષોથી લોકોને વાંધો છે અને હવે તેમાં ગરબડ થતી હોવાના આરોપ પણ મૂકવામાં આવ્યા છે. અમેરિકામાં કોઈ પ્રોફેશનલે કામ કરવા જવું હોય તો H-1B વિઝાની જરૂર પડે છે અને દર વર્ષે એપ્રિલમાં તેની લોટરી થાય છે. એટલે કે સ્કિલ્ડ વર્કરની અરજીઓની સંખ્યા બહુ મોટી હોય છે અને તેમાંથી માત્ર 85 હજાર લોકોને ચાન્સ મળે છે અમેરિકામાં કામ કરવાનો.
લાખોની અરજી સામે માત્ર 85 હજારને પસંદ કરવાના હોવાથી તેમાં ભયંકર કોમ્પિટિશન થાય છે. જેમ એપ્લિકેશનની સંખ્યા વધતી જાય તેમ તેમ H-1B વિઝા મળવાના ચાન્સ ઘટતા જાય છે. તાજેતરમાં જે ડેટા મળ્યો તે દર્શાવે છે કે કેટલીક કંપનીઓએ અમેરિકન H-1B વિઝા સિસ્ટમમાંથી છીંડા શોધીને તેને ફાયદો ઉઠાવ્યો છે અને લોટરી પોતાની ફેવરમાં રહે તેવું કામ કર્યું છે.
H-1B વિઝા લોટરી વિશે એક મિડાયા હાઉસે ઈન્વેસ્ટીગેશન કરીને શોધી કાઢ્યું છે કે આઉટસોર્સિંગ કંપનીઓ અને સ્ટાફિંગ કંપનીઓને H-1B લોટરીનો ખોટી રીતે ફાયદો મળે છે. આખી ગેમમાં ચેડા ચાલે છે.
આ ઈન્વેસ્ટીગેશનમાં કેટલીક કંપનીઓ પર ફોકસ કરવામાં આવ્યું હતું, ખાસ કરીને આઈટી કંપનીઓ તેના કેન્દ્રમાં હતી. મોટી આઈટી આઉટસોર્સિંગ કંપનીઓ અને સ્ટાફિંગ એજન્સીઓ એક જ કર્મચારી માટે એકથી વધારે, મલ્ટિપલ અરજીઓ કરતી હોય છે, તેથી તેને વિઝા મળવાના ચાન્સ વધી જાય છે. H-1B લોટરીની સિસ્ટમમાં કેટલાક લૂપહોલ્સ છે. તેમાં એમ્પ્લોયર્સ અલગ અલગ કંપનીઓના નામે એક વ્યક્તિ માટે મલ્ટિપલ અરજીઓ કરે છે અને સિસ્ટમનો ફાયદો ઉઠાવે છે.
બ્લૂમબર્ગની તપાસમાં જાણવા મળ્યું કે કોઈને વિઝા જોઈતા હોય અને આ રીતની ગેમ રમે તો અમુક ચોક્કસ કંપનીઓ વિઝાની ગેરંટી આપી શકે છે. તેથી આ પ્રકારની કંપનીઓમાં જે કામ કરવા તૈયાર હોય તેમના માટે ચાન્સિસ એકદમ વધી જાય છે. આમાં જે કંપનીઓ ચિટિંગ કરવા તૈયાર હોય તેઓ ફાયદામાં રહે છે.
ડોનાલ્ડ ટ્રમ્પની સરકારે 2020માં એપ્લિકેશનની આખી પ્રોસેસ બદલી નાખી ત્યાર પછી આ બધા લૂપહોલનો બેફામ ફાયદો ઉઠાવાય છે. આ નવા રૂલ્સના કારણે પેપરવર્ક ઘટી ગયું અને લોટરીમાં એન્ટર થવાનો ખર્ચ પણ ઘટી ગો. તેના કારણે કંપનીઓ આસાનીથી મલ્ટિપલ એન્ટ્રી કરાવવા લાગી. તપાસમાં જાણવા મળ્યું છે કે 2020 અને 2030 વચ્ચે આઉટસોર્સિંગ અને સ્ટાફિંગ કંપનીઓએ જ લગભગ 50 ટકા H-1B વિઝા લઈ લીધા હતા અને તેમાં આવા ચિંટિંગનો સહારો લેવાયો હતો.
હવે આનાથી યુએસ ઈકોનોમી અને બીજા વર્કર્સ પર વ્યાપક અસર પડતી હોય છે. એક અભ્યાસમાં કહેવામાં આવ્યું છે કે યુએસની ટોપની મલ્ટિનેશનલ કંપની એક H-1B વિઝા ગુમાવે એટલે અમેરિકામાંથી નવ નોકરીઓ વિદેશમાં જતી રહે છે. ફેડરલ રિઝર્વ બેન્ક ઓફ રિચમંડ કહે છે કે અમેરિકામાં હાઈ સ્કીલ્ડ ઈમિગ્રન્ટ વર્કરની સંખ્યા 10 ટકા ઘટાડવામાં આવે તો પણ અમેરિકન ઈકોનોમીની સાઈઝ લગભગ 86 અબજ ડોલર જેટલી ઘટી જશે.
આ ઉપરાંત જે લોકો નિયમો પાળીને અરજીઓ કરે છે તેમને પણ અન્યાય થાય છે. સંદીપ મંગાતી નામના એક ઉદ્યોગ સાહસિક યુએસમાં સ્ટુડન્ટ તરીકે આવ્યા હતા અને આખા અનુભવમાંથી પસાર થયા છે. તેઓ કહે છે કે મારી પાસે જોબ હતી અનને સ્પોન્સરશિપ હતી. આમ છતાં H-1B વિઝા લોટરીમાં મને લેવામાં ન આવ્યો. હું આઠ વર્ષથી અમેરિકામાં હતો અને હજુ પણ અહીં કારકિર્દી બનાવી શક્યો નથી કારણ કે લોટરીની સિસ્ટમમાં અન્યાય થાય છે.
H-1B લોટરી સિસ્ટમમાં આવા ચેડા થયા તેની ઘણી બધી ફરિયાદો થઈ અને તેથી સરકારે બધાને સરખો ચાન્સ મળે તે માટે ગયા વર્ષે નવા રેગ્યુલેશન ઘડવા પડ્યા. તેમાં દરેક ઉમેદવારને ઈક્વલ ચાન્સ મળે તે જોવામાં આવે છે, ભલે પછી તેના એમ્પ્લોયરે ગમે તેટલી એન્ટ્રી કરી હોય. તેના કારણે 2023 પછી મલ્ટિપલ રજિસ્ટ્રેશનમાં લગભગ 90 ટકા ઘટાડો થયો છે. આમ છતાં આ સિસ્ટમમાં અમુક ખામીઓ તો છે જ.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
