7th Pay Commission: દેશના સરકારી કર્મચારીઓ માટે તહેવારો પહેલાં ખુશખબર આવી રહી છે. મોંઘવારી ભથ્થા અને મોંઘવારી રાહતના દરો દર વર્ષે બે વાર બદલાય છે. પ્રથમ વધારાનો લાભ જાન્યુઆરીથી મળે છે, જ્યારે બીજો ફેરફાર જુલાઈ મહિનાથી લાગુ કરવામાં આવશે.
7th Pay Commission: વડાપ્રધાન નરેન્દ્ર મોદીની આગેવાની હેઠળની કેન્દ્ર સરકાર ટૂંક સમયમાં લાખો કેન્દ્રીય કર્મચારીઓને નવી ભેટ આપી શકે છે. રિપોર્ટ્સનું માનીએ તો મોદી સરકાર તહેવારોની સિઝન પહેલા કેન્દ્રીય કર્મચારીઓના મોંઘવારી ભથ્થામાં વધારો કરવા જઈ રહી છે, જેના કારણે તેમને દર મહિને વધુ પૈસા મળવા લાગશે. આ સરકારી કર્મચારીઓ માટે સૌથી મોટી રાહતના સમાચાર છે.
સરકાર કરી શકે છે જાહેરાત-
ETના અહેવાલ મુજબ કેન્દ્ર સરકાર ટૂંક સમયમાં મોંઘવારી ભથ્થામાં આગામી વધારો કરી શકે છે. મોંઘવારી ભથ્થા (DA) ની સાથે સાથે મોંઘવારી રાહત (DR) પણ વધવા જઈ રહી છે. જે રીતે કેન્દ્ર સરકારના વર્તમાન કર્મચારીઓને DAનો લાભ મળે છે, તેવી જ રીતે કેન્દ્ર સરકારના ભૂતપૂર્વ કર્મચારીઓ એટલે કે પેન્શનરોને DRનો લાભ મળે છે.
દર વર્ષે બે વાર મળે છે કર્મચારીઓને લાભ-
વાસ્તવમાં, સાતમા પગાર પંચની ભલામણો અનુસાર, મોંઘવારી ભથ્થામાં દર વર્ષે બે વાર ફેરફાર કરવામાં આવે છે. જુલાઈ મહિનો ઘણો સમય વીતી ગયો છે અને હવે ઓગસ્ટ પણ પૂરો થવાનો છે. આ કારણોસર એવી અપેક્ષા છે કે સરકાર મોંઘવારી ભથ્થામાં ફેરફાર અંગે ટૂંક સમયમાં નિર્ણય લઈ શકે છે. પીએમ મોદી એક મીટિંગ પણ સરકારી કર્મચારીઓના એસોસિયેશન સાથે કરવા જઈ રહ્યાં છે. જેમાં આ મામલે ઉકેલ આવે તેની પણ સંભાવના છે.
માર્ચમાં થઈ હતી જાહેરાત-
આ વર્ષે મોંઘવારી ભથ્થામાં એકવાર વધારો કરવામાં આવ્યો છે. મોંઘવારી ભથ્થામાં વધારાની જાહેરાત માર્ચ 2024માં કરવામાં આવી હતી. તે સમયે સરકારે મોંઘવારી ભથ્થા અને મોંઘવારી રાહત બંનેના દરમાં 4-4 ટકાનો વધારો કર્યો હતો. તે પછી ડીએ અને ડીઆરનો દર વધીને 50 ટકાથી વધુ થઈ ગયો છે. માર્ચમાં જાહેર કરાયેલો વધારો જાન્યુઆરીથી લાગુ કરવામાં આવ્યો છે.
મોંઘવારી ભથ્થામાં આટલો વધારો થવાની સંભાવના-
હાલમાં એવી ધારણા મૂકાઈ રહી છે કે આ વખતે સરકાર DA અને DRમાં 3-3 ટકાનો વધારો કરી શકે છે. જો આમ થશે તો મોંઘવારી ભથ્થાનો દર 53 ટકાને પાર કરી જશે. છેલ્લા વર્ષ માટે ઔદ્યોગિક કામદારો માટે સરેરાશ ગ્રાહક ભાવ સૂચકાંક (CPI-IW) 400.90 છે. તે મુજબ ગણતરી કર્યા પછી, અંદાજિત DA દર 53.35 ટકા આવે છે. સરકાર CPI-IW ના આધારે મોંઘવારી ભથ્થા અને મોંઘવારી રાહતના દરોમાં ફેરફાર કરે છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
