હવામાન વિભાગે કરેલી આગાહી અનુસાર, આજે દિલ્હી-NCRમાં વાદળછાયું વાતાવરણ રહેશે. જયારે આંધ્ર કિનારે બંગાળની ખાડીમાં ડીપ ડિપ્રેશન બની રહ્યું છે. જેના કારણે મધ્ય ભારત અને દક્ષિણ મધ્ય ભારતના ભાગોમાં ભારે વરસાદ પડી શકે છે.
ભારતીય હવામાન વિભાગ (IMD) એ રવિવાર માટે હવામાનની આગાહી જાહેર કરી છે. IMDએ જણાવ્યું કે બંગાળની ખાડીમાં, દેશના પશ્ચિમ-મધ્ય ઉત્તર અને આંધ્ર પ્રદેશના દરિયાકાંઠાના વિસ્તારો, કલિંગપટનમ અને ગોપાલપુર નજીક એક ભારે ડીપ ડિપ્રેશન એટલે કે લો પ્રેશર બની રહ્યું છે. આના કારણે 1 સપ્ટેમ્બરે દરિયાકાંઠાના આંધ્રપ્રદેશ, તેલંગાણા, પૂર્વ મધ્યપ્રદેશ, છત્તીસગઢ અને પૂર્વ-દક્ષિણ રાજસ્થાનના ભાગોમાં મધ્યમથી અત્યંત ભારે વરસાદની સંભાવના છે. સાથે જ આગામી 24 કલાકમાં મુશળધાર વરસાદની સંભાવના છે.
હવામાન વિભાગ (IMD) અનુસાર, ઉત્તર ભારતમાં, ખાસ કરીને દિલ્હી-NCRમાં વરસાદ થવાની સંભાવના છે. હવામાન વિભાગે જણાવ્યું કે છૂટોછવાયો વરસાદ પડી શકે છે. હવામાન વિભાગે જણાવ્યું કે ગુજરાતમાં અત્યારે ભારે વરસાદની કોઈ શક્યતા નથી. ગુજરાતના દરિયાકાંઠાના વિસ્તારમાં ઉદ્દભવેલું વાવાઝોડું અસના ઘણું આગળ વધીને ઓમાન તરફ આગળ વધી ગયું છે.
દિલ્હી એનસીઆરનું હવામાન
હવામાન વિભાગના જણાવ્યા અનુસાર બિહારના વાતાવરણમાં નોંધપાત્ર ફેરફાર થશે. 1 સપ્ટેમ્બરે બિહારમાં વરસાદની કોઈ શક્યતા નથી, પરંતુ વાદળછાયું વાતાવરણ રહેશે. બિહાર, ઉત્તર પ્રદેશ અને ઉત્તર ભારતીય રાજ્યોની સ્થિતિ પણ એવી જ રહેવાની છે. દિવસનું મહત્તમ તાપમાન 35 સુધી રહેવા છતાં લોકોને ભારે ભેજનો સામનો કરવો પડી રહ્યો છે. હવામાન વિભાગના જણાવ્યા અનુસાર આગામી દિવસોમાં પણ આવી જ સ્થિતિ રહેવાની છે. દિલ્હી-એનસીઆરના કેટલાક વિસ્તારોમાં હળવા વરસાદની સંભાવના છે, પરંતુ ભેજને કારણે લોકોને પરેશાની થઈ શકે છે.
બંગાળની ખાડીમાં ડીપ ડિપ્રેશન
IMDએ જણાવ્યું કે ગત મધરાતથી આંધ્રના કિનારે બંગાળની ખાડીમાં ડીપ ડિપ્રેશન બની રહ્યું છે. જેના કારણે મધ્ય ભારત અને દક્ષિણ મધ્ય ભારતના ભાગોમાં ભારે વરસાદ પડી શકે છે. IMDએ કહ્યું કે જો આપણે ડિપ્રેશનના ચક્રને સમજીએ તો તે ભારતના પશ્ચિમી ભાગોથી લઈને બંગાળની ખાડી સુધી વિકસી રહ્યું છે. તેના માર્ગમાં આવતા ભાગોમાં ભારે વરસાદની સંભાવના છે. તટીય આંધ્રપ્રદેશ, ઓડિશા, તેલંગાણા, વિદર્ભ, રાયલસીમા (આંધ્રપ્રદેશ અને તમિલનાડુના ભાગો) માં ભારેથી અતિ ભારે વરસાદની સંભાવના છે. આ વિસ્તારોમાં ભારે વરસાદને કારણે હવામાન વિભાગે રેડ એલર્ટ જાહેર કર્યું છે.
24 કલાકની આગાહી
IMD અનુસાર, આગામી 24 કલાકમાં તેલંગાણા અને વિદર્ભમાં મુશળધાર વરસાદની સંભાવના છે. હવામાન વિભાગે આ ભાગો માટે રેડ એલર્ટ જાહેર કર્યું છે. જયારે તટીય આંધ્ર પ્રદેશ, રાજસ્થાન, પૂર્વીય કર્ણાટક, મરાઠવાડા, કેરળ અને મધ્ય મહારાષ્ટ્રમાં ભારે વરસાદની સંભાવના છે. પૂર્વ રાજસ્થાન, પૂર્વ ગુજરાત અને છત્તીસગઢમાં ભારે વરસાદ થઈ શકે છે. IMD એ આ ભાગો માટે યલો એલર્ટ જાહેર કર્યું છે. જયારે હવામાન વિભાગના જણાવ્યા અનુસાર, ઉત્તર-પૂર્વના રાજ્યોમાં વરસાદ ચાલુ રહેશે. સાથે જ આગામી દિવસોમાં અહીં મુશળધાર વરસાદની પણ સંભાવના છે.
માછીમારો માટે એલર્ટ
IMD માછીમારો માટે એલર્ટ જારી કર્યું છે. બંગાળની ખાડીમાં ડીપ ડિપ્રેશન સર્જાયું છે. આ કારણે માછીમારોને ઓડિશા, બંગાળ અને આંધ્ર પ્રદેશના દરિયાકાંઠાના વિસ્તારોમાં ન જવા માટે એડવાઈઝરી જારી કરવામાં આવી છે. જયરે ગુજરાતમાં ચક્રવાતી તોફાન અસનાને કારણે, માછીમારોને આ વિસ્તારોમાં ન જવાની સલાહ આપવામાં આવી છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
