ભારતીય ક્રિકેટ ટીમના કેપ્ટન રોહિત શર્મા અને પૂર્વ કેપ્ટન વિરાટ કોહલીએ બાંગ્લાદેશ સામેની ટેસ્ટ શ્રેણી માટે તૈયારી શરૂ કરી લીધી છે. બંને ચેન્નાઈમાં રમાનારી પ્રથમ મેચમાં ધૂમ મચાવતા જોવા મળશે. વાંચો વધુ આગળ… IND vs BAN Test
નવી દિલ્હીઃ ભારત અને બાંગ્લાદેશ વચ્ચે 19 સપ્ટેમ્બરથી બે ટેસ્ટ મેચની શ્રેણી શરૂ થઈ રહી છે. આ શ્રેણીની પ્રથમ ટેસ્ટ મેચ 19-23 સપ્ટેમ્બર દરમિયાન ચેન્નાઈના એમએ ચિદમ્બરમ સ્ટેડિયમમાં રમાશે અને બીજી મેચ 27 સપ્ટેમ્બરથી 1 ઓક્ટોબર દરમિયાન ગ્રીન પાર્ક સ્ટેડિયમ, કાનપુરમાં રમાશે. આ પહેલા ટીમ ઈન્ડિયા પોતાની તૈયારીઓને મજબૂત કરવામાં વ્યસ્ત છે. ટીમ ઈન્ડિયાના ખેલાડીઓ ચેન્નાઈમાં જોરશોરથી પ્રેક્ટિસ કરી રહ્યા છે.
બાંગ્લાદેશ ટેસ્ટ પહેલા વિરાટ-રોહિતે આક્રમક સ્ટાઈલ બતાવી:
આ સીરિઝમાં ભારતીય ક્રિકેટ ટીમના કેપ્ટન રોહિત શર્મા અને સ્ટાર બેટ્સમેન વિરાટ કોહલી નેટમાં ખૂબ પરસેવો પાડી રહ્યા છે, જેનો એક વીડિયો BCCI દ્વારા તેના સોશિયલ મીડિયા એકાઉન્ટ X પર પોસ્ટ કરવામાં આવ્યો છે. ટીમ ઈન્ડિયાના પ્રેક્ટિસ સેશનની ઝલક આ વીડિયોમાં જોઈ શકાય છે. આ વીડિયોમાં ટીમ વિરાટ અને રોહિત બંને બેટિંગ કરતા જોવા મળી રહ્યા છે. આ સમય દરમિયાન, આ બંને અનુભવી બેટ્સમેન ઝડપી બોલરો અને સ્પિન બોલરોની સામે આક્રમક શૈલીમાં પ્રેક્ટિસ કરતા જોવા મળે છે.
રોહિત-વિરાટ બાંગ્લાદેશ સામે ધમાકેદાર પ્રદર્શન કરવા તૈયાર:
આ વીડિયોમાં રોહિત અને વિરાટ મોટા શોટ મારતા જોવા મળી રહ્યા છે. બંને નેટ્સમાં ચોગ્ગા અને છગ્ગા ફટકારવાની સખત પ્રેક્ટિસ કરી રહ્યા છે. આવી સ્થિતિમાં જો આ બંને ખેલાડીઓ બાંગ્લાદેશ સામે આક્રમક ક્રિકેટ રમતા જોવા મળે તો બાંગ્લાદેશને હારની કિંમત ચૂકવવી પડી શકે છે. કારણ કે, આ બંને બેટ્સમેન લાંબી અને મોટી ઇનિંગ્સ રમવામાં નિષ્ણાત છે. રોહિતે બાંગ્લાદેશ સામે 3 મેચની 3 ઇનિંગમાં 33 રન બનાવ્યા છે. જ્યારે કોહલીએ બાંગ્લાદેશ સામે 6 મેચની 9 ઇનિંગ્સમાં 2 સદીની મદદથી 437 રન બનાવ્યા છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
