ગુજરાત હાલમાં આંદોલનથી ઘેરાઈ ચૂક્યુ હોય તેવી સ્થિતિનું નિર્માણ થયુ છે. બિન સચિવાલય ક્લાર્કના પરીક્ષાર્થીઓ, આદીવાસીઓ અને કોંગ્રેસની સાથે હવે ગુજરાતના મહેસૂલ કર્મચારીઓ અને આરોગ્ય કર્મચારીઓ પણ હડતાળ પર ઉતર્યાં છે.
પોતાની પડતર માગણીઓને લઈ મહેસૂલી કર્મચારીઓ હડતાળ પર ઉતર્યા છે તો, બીજી તરફ બિન સચિવાલયના પરીક્ષાર્થીઓના સમર્થનમાં હેલ્થ વર્કરો પણ હડતાળ પાડી જોડાયા હતા. હડતાળ પર ઉતરેલા કર્મચારીઓએ રાજ્યના વિવિધ શહેરોમાં પોસ્ટરો સાથે વિરોધ પ્રદર્શન પણ કર્યાં હતા.
રેવન્યુ તલાટીને પંચાયત તલાટીમાં મર્જ કરવાની વાત ચાલી રહી છે ત્યારે રેવન્યુ તલાટીના કર્મચારીઓની માંગ છે કે, તેમને પંચાયત તલાટીઓ સાથે મર્જ કરવામાં ન આવે. કારણ કે, ૧૦ વર્ષથી રેવેન્યુમાં નોકરી કર્યા બાદ પંચાયતમાં મર્જ થાય તો ફરીથી ટ્રેનિંગ લેવી પડે તથા નાણાકીય અને પ્રમોશનના લાભોમાં પણ અન્યાય થવાની શક્યાતાઓ રહેલી છે.
ગુજરાત રાજ્ય મહેસુલી કર્મચારી મંડળ મહેસૂલ કર્મચારીઓના પગાર, પ્રમોશન તદુપરાંત વર્ષ-2017ના ઠરાવથી પાંચ વર્ષની ફિક્સ પગારની નોકરી ગણાવા નિર્ણય થયેલ છે. પરંતુ ઈજાફા આપવામાં આવ્યા નથી તે સહિતના અનેક પ્રશ્નો ઉકેલવાની માગણી પણ આ કર્મચારીઓ કરી રહ્યાં છે.
રાજ્યના રેવન્યુ તલાટી સંવર્ગને મહેસુલમાથી રદ કરી પંચાયત મંત્રી કેડર સાથે મર્જ કરવા, ક્લાર્કને નાયબ મામલતદારના પ્રમોશન આપવા સહિતની માગણીઓને લઈ અનેક વખત રજૂઆતો કરવા છતાં ઉકેલ ન આવતા આ કર્મચારીઓએ હડતાળનો માર્ગ અપનાવ્યો છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
