ઉધનામાં ડાઈ રીપેયર કરવા માટે યુવક મોપેડ પર જતો હતો ત્યારે ટ્રકના ડ્રાઇવરે બેદરકારીથી ટ્રક ચલાવીને મોપેડને ટક્કર મારતા મોપેડ સવાર યુવકનું મોત નિપજ્યું હતું જેમાં મોટા વરાછાના યુવકના મોતને (Death) પગલે પરિવારમાં શોકનું મોજુ ફરી વળ્યું હતું.
પ્રાપ્ત માહિતી અનુસાર મોટા વરાછા વિસ્તારમાં આવેલ સાઈ હાઇટસમાં રતિલાલ દેવરાજભાઈ કસવાલા પરિવાર સાથે રહે છે અને તેઓ પ્લાસ્ટીકની વસ્તુઓ બનાવીને તેમનું વેચાણ કરીને પરિવારનું ભરણપોષણ કરે છે. સંતાનમાં એક દીકરી અને એક દીકરો આદર્શ( 28 વર્ષ) છે. ગતરોજ બપોરે આદર્શ તેમના ડાયમંડ નગરમાં આવેલ ખાતા પર ગયો હતો. ત્યાંથી ડાઈ રીપેયર કરવા માટે મોપેડ પર ઉધના ભાઠેના ગયા હતા.
ભાઠેના મેન રોડ પર પેટ્રોલ પંપની પાસે ટ્રકનો ડ્રાઇવર ડીએલ-1-જીસી-4225 ના ડ્રાઇવરે બેદરકારીથી પુરઝડપે ટ્રક ચલાવીને આદર્શની મોપેડ ટક્કર મારી હતી જેથી આદર્શ નીચે પડ્યો હતા. તેમને ગંભીર ઇજા થતા ઘટના સ્થળે જ મોત નિપજ્યું હતું. ઉધના પોલીસે ગુનો દાખલ કરીને આગળની તપાસ હાથ ધરી છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
