વિસાવદર ના યુવકે પ્રેમિકાના વિરહમાં ટ્રેન નીચે ઝંપલાવી કર્યો આપઘાત

વિસાવદર સતાધાર રેલ્વે ટ્રેક પર બપોરના ત્રણ વાગ્યા આસપાસ પસાર થતી ટ્રેનમાં ગૌતમ લાભુભાઈ ખાવડીયા ઉંમર વર્ષ 19 નામના યુવકે ટ્રેન નીચે ઝંપલાવી આપઘાત કર્યો હતો મૃતક યુવાન બપોરનો ઘરેથી ચાલ્યો ગયો હોય જેથી તેના ભાઈ દ્વારા તેના પિતાને જાણ કરવામાં આવી હતી મૃતકના પરિવારજનો તેની શોધખોળ કરતા હતા તેવામાં ફરી સાંજના સમયે 6:00 વાગ્યા આસપાસ પસાર થતી ટ્રેનના ચાલકને અચાનક રેલ્વ ટ્રેક પર યુવકની કપાઈ ગયેલી હાલતમાં મૃતદેહ ધ્યાનમાં આવ્યો હતો. ટ્રેન ના ચાલકે ટ્રેન રોકી મૃતક યુવાનનો મૃતદેહ એકઠો કરી વિસાવદર લાવવામાં આવ્યો હતો ત્યારબાદ ત્યાં તેની ઓળખ થઈ હતી અને તેના પરિવારજનોને બોલાવી તે અંગે જાણ કરવામાં આવી હતી મૃતકના પિતાએ જણાવ્યું હતું કે મૃતક યુવાન ગૌતમે આ અગાઉ પણ પ્રયાસ કર્યો હતો પરંતુ સમજાવટથી તે બચી ગયો હતો સુત્રોના જણાવ્યા પ્રમાણે ગાયકવાડી ખાંભા પંથકની તેમની જ્ઞાતિની યુવતી સાથે તેને પ્રેમ થઈ ગયો હતો અને આ યુવતીએ ગઈકાલે ઝેરી દવા પી આપઘાત કરી લીધો હતો. મૃતક યુવાનની પ્રેમિકાના આપઘાતની ઘટનાના વિરહમાં ગૌતમે પણ આપઘાત કર્યો હોય તેવું હાલ ચર્ચાઈ રહ્યું છે આ સમગ્ર મુદ્દે પોલીસ દ્વારા વધુ કાર્યવાહી હાથ ધરવામાં આવી છે બંને પ્રેમી પંખીડા એક થઈ શકે તેમ ન હોવાથી પહેલા યુવતીએ અને બાદમાં યુવકે આપઘાત કર્યો હોવાનું ચર્ચાઈ રહ્યું છે