ભારતીય ટીમના પૂર્વ ઓલરાઉન્ડર ખેલાડી ઈરફાન પઠાણે યુવા ફાસ્ટ બોલર આવેશ ખાનને લઈને મોટી પ્રતિક્રિયા આપી છે. તેણે કહ્યું છે કે આવેશ ખાનને કેપ્ટન રોહિત શર્મા અને કોચ રાહુલ દ્રવિડનું સંપૂર્ણ સમર્થન મળવું જોઈએ.અને પઠાણના મતે, મોહમ્મદ સિરાજને જે રીતે ટીમ મેનેજમેન્ટે સંપૂર્ણ સમર્થન આપ્યું હતું, તે જ પ્રકારનું સમર્થન આવેશ ખાનને પણ મળવું જોઈએ.
આવેશ ખાને વેસ્ટ ઈન્ડિઝ સામેની T20 શ્રેણી દરમિયાન આંતરરાષ્ટ્રીય ક્રિકેટમાં ડેબ્યુ કર્યું હતું. તે જ સમયે, શ્રીલંકા સામેની એક મેચમાં તેનું પ્રદર્શન ઘણું સારું રહ્યું હતું. અને તેણે ચાર ઓવરના સ્પેલમાં 23 રન આપીને બે વિકેટ લીધી હતી.
ઈરફાન પઠાણના મતે આવેશ ખાનને કેપ્ટન અને કોચનું સંપૂર્ણ સમર્થન મળવું જોઈએ. તો જ તેઓ આગળ વધી શકશે. સ્ટાર સ્પોર્ટ્સ પર વાતચીત દરમિયાન તેણે કહ્યું કે, દરેક ખેલાડીને ટેકો આપવો ખૂબ જ જરૂરી છે. કારણ કે જ્યારે તમે ઈન્ટરનેશનલ ક્રિકેટ રમો છો ત્યારે સારા દિવસો કરતાં વધુ ખરાબ દિવસો આવે છે. ખરાબ દિવસોમાં કેપ્ટન અને ટીમ મેનેજમેન્ટના સપોર્ટની ખૂબ જરૂર છે.અને જો મોહમ્મદ સિરાજની વાત કરીએ તો વિરાટ કોહલીએ તેને ઘણો સપોર્ટ કર્યો હતો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
