– ગુલઈ ટેકરાના ગીચ વિસ્તારમાંથી મ્યુનિ.એ 200 સેમ્પલ લીધા

– મધ્યઝોન અને દક્ષિણઝોન બાદ હોટ-સ્પોટ બની રહેલો પશ્ચિમ વિસ્તાર

અમદાવાદમાં કોરોનાના આજે નવા ૫૩ સાથે દર્દીઓની કુલ સંખ્યા ૩૭૩ના આંકડાને આંબી ગઈ છે. જેમાં ૨૭ પુરૂષ અને ૨૬ મહિલાઓનો સમાવેશ થવા જાય છે. શહેરમાં પશ્ચિમઝોન સહિત અન્ય નવા વિસ્તારોમાં દર્દીઓ નોંધાવાનું શરૂ થતાં આગામી દિવસોમાં દર્દીઓ વધશે તેમ જણાય છે. મ્યુનિ.ના હેલ્થ વિભાગે આજે પશ્ચિમઝોનમાં ગુલબાઈ ટેકરાની ગીચ અને વિશાળ ઝુંપડપટ્ટી પર તેનું ધ્યાન કેન્દ્રીત કર્યું હતું.

અમદાવાદમાં મધ્યઝોન અને દક્ષિણઝોનના હોટ-સ્પોટ બાદ સમૃદ્ધ ગણાતો પશ્ચિમઝોનનો વિસ્તાર ઝપટમાં આવી રહ્યો છે. અત્યાર સુધીમાં આ ઝોનમાં ૪૩ દર્દીઓ નોંધાઈ ચુક્યા છે. મધ્યઝોનનો આજે સવારનો આંકડો ૧૪૭ને અને દક્ષિણઝોનનો આંકડો ૧૦૪ને આંબી ગયો છે. એમાં પણ પશ્ચિમઝોનમાં ગુલબાઈ ટેકરાની ગીચ ઝુંપડપટ્ટીમાં કેસ નોંધાતા હેલ્થ ખાતાની ઉંઘ ઉડી ગઈ છે. મુંબઈમાં ધારાવીની ઝુંપડપટ્ટીમાં કેસ નોંધાયો ત્યારે ત્યાંના સત્તાવાળાઓ ચિંતામાં મુકાઈ ગયા હતા, તે જ સ્થિતિ આજે અમદાવાદ મ્યુનિ.ના સત્તાવાળાઓની થઈ છે.

દરમ્યાનમાં ગુલબાઈ ટેકરાં ગયેલી હેલ્થ વિભાગની ટીમોએ પોઝિટીવ દર્દીની આસપાસ રહેતાં અને તેના સંપર્કમાં આવેલાં ૨૦૦ લોકોના સેમ્પલ લીધા છે. એવી જ રીતે મોટેરાના છાપરામાંથી ૧૦૦ અને બહેરામપુરા – જમાલપુરના જ્યાં કેસ હતાં તે છાપરાંમાંથી ૩૦ના સેમ્પલ લીધાં છે. ઉપરાંત કોટ વિસ્તાર અને દાણીલીમડામાંથી ૭૧૯ ટીમોએ સર્વેક્ષણ દરમ્યાન વધુ ૫૩૯ના સેમ્પલ લીધા છે. અગાઉના સેમ્પલમાંથી હજુ ૮૬૩ના રિઝલ્ટ બાકી છે. બીજી તરફ હોમ ક્વોરેન્ટાઇન ૨૧૭૭, ક્વોરેન્ટાઇન સેન્ટરોમાં ૮૯૩ મળી કુલ ૩૦૭૦ લોકો કવોરેન્ટાઈનમાં છે. કલસ્ટર ક્વોરેન્ટાઈન કરાયેલાઓની સંખ્યા ૧૨૦૦૦થી વધુ છે.

દરમ્યાનમાં આજે ૧૦૦૦ બેડની સુવિધા સાથે સમરસ હોસ્ટેલમાં કોવિડ કેર સેન્ટર ઉભું કરાયું છે, તેનો કમિશનર વિજય નહેરાએ રાઉન્ડ લઈને ટૂંકમાં જ મેડિકલ સુવિધાથી સજ્જ કરાયેલાં આ કેર સેન્ટરનો દર્દીઓને રાખવા માટે ઉપયોગ શરૂ કરાશે તેમ તેમણે જણાવ્યું હતું. જોકે વી.એસ. હોસ્પિટલનું હાલ ધૂળ ખાતું ટ્રોમા સેન્ટર, એસવીપીના ખાલી પડેલાં ઉપરનાં ફલોર, સિવિલની ૧૨૦૦ બેડની સુસજ્જ હોસ્પિટલ વગેરે છોડીને હોસ્ટેલમાં કેમ હોસ્પિટલ ઉભી કરાઈ તે સવાલ અનુત્તર છે. જોકે આ કેર સેન્ટરમાં જેમને કોરોનાના લક્ષણો નથી અને રિપોર્ટ પોઝીટિવ છે, તેવા દર્દીઓને રખાશે તેમ જણાય છે.

સવારના ગાળાની સ્થિતિ

નોંધ : પાંચ દર્દી બોપલ, સનાથળ, કલોલના સાથે મળી ૩૫૧

SVPની આંકડાકીય સ્થિતિ

નોંધ :- SVPમાં સેમ્પલ ટેસ્ટીંગ ૭૩૨ – પોઝીટિવ ૬૩, નેગેટિવ ૬૬૪, પેન્ડીંગ ૦૫

દક્ષિણ ઝોનમાં વોર્ડ વાઇઝ કેટલા કેસ

ત્રણ બાળકીઓ પણ કોરોનાની ઝપટમાં

કોરોનાના આજે નોંધાયેલા દર્દીઓમાં સૌથી આઘાત લાગે એવી બાબત એ છે કે ત્રણ નાની બાળકીઓ પણ ઝપટમાં આવી ગઈ છે. જેમાં સફી મંજીલની એક બાળકી તો માત્ર એક વર્ષની જ છે, જ્યારે બીજી બાળકી ૭ વર્ષની છે. જ્યારે નવરંગપુરાના નોંધાયેલા ૬ દર્દીઓમાં પણ ૮ વર્ષની નાનકડી બાળકીનો સમાવેશ થવા જાય છે. આ પહેલા પણ કેટલાક બાળકો નોંધાઈ ચૂકયા છે. સૌથી વધુ કેર લેવાની બાળકોની હોવાનું જણાય છે.

કયા વિસ્તારમાં કેટલા દર્દી નોંધાયા