આજના કળયુગમાં હનુમાનજીને હાજરાહજૂર દેવ માનવામાં આવે છે. સમગ્ર ભારતમાં હનુમાનજીના એવા ઘણા મંદિરો આવેલા છે, જ્યાં ભક્તોની મનોકામના પૂર્ણ થાય છે. આજે અમે એક એવા જ હનુમાનજીના મંદિર વિશે જણાવવા જઈ રહ્યા છીએ.
મહારાષ્ટ્રના ગામડાઓમાં વિવિધ મંદિરો આવેલા છે અને દરેક મંદિરની એક પૌરાણિક કથા છે. કેટલાક મંદિરો તેમની સાથે સંકળાયેલી વિશેષ પ્રથાઓ અથવા પરંપરાઓ ધરાવે છે. આવો જ એક અનોખો રિવાજ વર્ધા જિલ્લાના વર્ધા દેવલી રોડ પર આવેલા સાલોદના પ્રખ્યાત મંદિર સાથે જોડાયેલો છે.
ભક્તોનું માનવું છે કે હનુમાન મંદિર એક જાગૃત મંદિર છે અને દર મંગળવાર અને શનિવારે અહીં ભક્તોની ભારે ભીડ રહે છે. ખાસ કરીને જ્યારે તેમની ઇચ્છાઓ પૂર્ણ થાય છે, ત્યારે ભક્તો મંદિરમાં ઘંટનું દાન કરે છે અને રોડ્ય પ્રસાદ આપે છે.
વિષ્ણુકુમાર વંદીલે નામના દર્શનાર્થી જણાવે છે કે, “પહેલાં વર્ધામાં બજરંગ પરિહાર નામના એક સજ્જન રહેતા હતા. તેમને આ સ્થાન પર હનુમાનજીના દિવ્ય દર્શન થયા હતા. તેથી તેમણે અહીં હનુમાનજીનું એક નાનું મંદિર બનાવ્યું હતું. આ હનુમાન મંદિરનું મહત્વ ધીરે ધીરે વધતું ગયું. સૌ પ્રથમ રૂપરાવ હનુમંતરાવ ઝાડે એક મોટી ઘંટડીનું દાન કર્યું. બાદમાં ધીમે ધીમે લોકોએ આ જગ્યાએ ઘંટનું દાન કરવાનું શરૂ કર્યું. ઈચ્છા પૂર્ણ થયા બાદ દાનમાં ઘંટની સંખ્યામાં વધારો થવા લાગ્યો છે.”
વંદીલે વધુમાં જણાવ્યું કે, કોંગ્રેસના નેતા રણજીત કાંબલેએ આ જગ્યા પર મોટી પૂજા કરી હતી. ત્યારબાદ યોજાયેલી ચૂંટણીમાં તેઓ ત્રણ બેઠકો પરથી ચૂંટણી લડ્યા હતા. આ ત્રણેય બેઠકો પર તેઓ વિજયી થયા
ત્યારથી આ મંદિરની ખ્યાતિ ખૂબ વધી ગઈ છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
