બળાત્કારના કેસમાં આજીવન કેદની સજા ભોગવી રહેલા આસુમલ હરપલાણી ઉર્ફે આસારામને અન્ય એક કેસમાં ગાંધીનગર કોર્ટમાં ઓનલાઈન રજૂ કરવામાં આવ્યો હતો અને આ દરમિયાન તેમનું નિવેદન નોંધવામાં આવ્યું હતું. આસારામે દાવો કર્યો હતો કે તેને ફસાવવામાં આવ્યો છે અને કહ્યું છે કે તેની સામે કાવતરું ઘડવામાં આવ્યું છે. તેણે એ પણ જણાવ્યું કે તેના પર બળાત્કારનો આરોપ કોણે અને શા માટે લગાવ્યો હતો. સ્પેશિયલ પ્રોસીક્યુટર આરસી કોડેકરના જણાવ્યા અનુસાર, એડિશનલ ડિસ્ટ્રિક્ટ જજ ડીકે સોનિકે સીઆરપીસીની કલમ 313 હેઠળ આરોપીઓને અનેક સવાલોના જવાબ આપ્યા હતા.
મળતા રિપોર્ટ અનુસાર, આસારામનું નિવેદન 175 પેજમાં રેકોર્ડ કરવામાં આવ્યું છે અને શુક્રવારે આસારામની પત્ની, પુત્રી અને ચાર નજીકના સાથીઓ સહિત આ કેસના સહ-આરોપીઓની પૂછપરછ કરવામાં આવશે. આસારામે કહ્યું કે તેઓ જેમને એક વખત આશ્રમમાંથી બહાર કાઢી ચૂક્યા હતા તેમણે તેમની વિરુદ્ધ ષડયંત્ર રચ્યું હતું. બચાવ પક્ષના વકીલ ચંદ્રશેખર ગુપ્તાએ કહ્યું કે જ્યારે તેમનો કેસ રજૂ કરવાની તક આપવામાં આવી ત્યારે આસારામે માત્ર તેમની સામેના આરોપોને નકારી કાઢ્યા પરંતુ કોર્ટને કહ્યું કે આરોપો એક ષડયંત્રનો ભાગ છે તેમજ આ ષડયંત્રને 12 વર્ષ પહેલા આશ્રમમાંથી બહાર કાઢવામાં આવેલા લોકોએ જ આ ષડયંત્ર રચ્યું હતું.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
