ભાજપના પ્રદેશ માળખામાં, એક મહામંત્રી અને બે મંત્રીના પદો, રાખવામાં આવ્યા ખાલી

ગુજરાત પ્રદેશ ભાજપ સંગઠનમાં ૨૨ હોદ્દેદારોની વરણી કર્યા બાદ આ તમામને પ્રમુખ સી. આર. પાટીલે શનિવારે કોબા સ્થિત શ્રી કમલમે બોલાવ્યા છે.

ભાજપના પ્રદેશ માળખામાં એક મહામંત્રી અને બે મંત્રીના પદો ખાલી રાખવામાં આવ્યા છે. જો કે, નવા વરણી પામેલા ચાર મહામંત્રીઓને ઝોનની વહેંચણી તેમજ ઉપપ્રમુખો, મંત્રીઓ સહિતના હોદ્દેદારોને જવાબદારીની વહેંચણી શનિવારે બપોરે મળનારી બેઠકમાં થશે તેમ મનાય છે.

ગુજરાતમાં ઉત્તર, મધ્ય, દક્ષિણ અને સૌરાષ્ટ્ર, કચ્છ એમ પાંચ ઝોનમાં સંગઠનાત્મક સ્તરની જવાબદારી મહામંત્રીઓને સોંપવામાં આવે છે.

આ વખતે સંગઠન મંત્રી સિવાય ચાર મહામંત્રીઓમાં એક પણ સૌરાષ્ટ્ર ક્ષેત્રના નથી. જ્યારે ઉત્તર ઝોનના બે મહામંત્રીઓ છે તેમજ એક મહામંત્રી કચ્છ અને બીજા મધ્યમાંથી આવે છે.