UAEમાં 27 ઓગસ્ટથી શરૂ થવા જઈ રહેલા એશિયા કપ પહેલા ભારતને મોટો ઝટકો લાગ્યો છે અને ટીમના મુખ્ય કોચ રાહુલ દ્રવિડ કોરોના સંક્રમિત હોવાનું જાણવા મળ્યું છે અને મીડિયા રિપોર્ટ્સ અનુસાર તે એશિયા કપમાં ભાગ લઈ શકશે નહીં. રોહિત શર્માની આગેવાની હેઠળની ભારતીય ટીમ એશિયા કપમાં ભાગ લેવા માટે આજે રવાના થવાની હતી. જોકે, કોચ પોઝિટિવ મળ્યા બાદ આગામી ટુર્નામેન્ટ માટે ટીમ માટે મુશ્કેલીઓ વધી ગઈ છે. કારણ કે એશિયા કપ બાદ જ ઓસ્ટ્રેલિયામાં યોજાનાર ટી-20 વર્લ્ડ કપ માટે ભારતીય ટીમની પસંદગી થવાની હતી.
ભારતના ભૂતપૂર્વ બેટ્સમેન રાહુલ દ્રવિડ નવેમ્બર 2021માં ભારતના મુખ્ય કોચ તરીકે ચૂંટાયા હતા. તાજેતરમાં જ તેને ભારતના ઝિમ્બાબ્વે પ્રવાસ પહેલા આરામ આપવામાં આવ્યો હતો અને તેમની જગ્યાએ વીવીએસ લક્ષ્મણને આ પ્રવાસ માટે ટીમનો કોચ બનાવવામાં આવ્યો હતો. કેએલ રાહુલની આગેવાનીમાં ભારતે ઝિમ્બાબ્વે સામે 3-0થી ક્લીન સ્વીપ કર્યું હતું.
કોચ રાહુલ દ્રવિડે સુકાની રોહિત શર્મા સાથે મળીને ભારતની T20 ક્રિકેટ રમવાની રીતમાં ફેરફાર કર્યો છે જે ગયા વર્ષે T20 વર્લ્ડ કપમાં ગ્રુપ સ્ટેજમાં નોકઆઉટ થયા બાદ ટીમને સારા પરિણામ મળ્યા છે. પરંતુ એશિયા કપ માટે રવાના થતા પહેલા કોચ દ્રવિડ કોવિડ પોઝિટિવ હોવા ટીમ માટે સારા સમાચાર નથી અને એશિયા કપ માટે રાહુલ દ્રવિડ ટીમની સાથે રહેશે કે કેમ તે હજુ સુધી કન્ફર્મ નથી થયું કે તે ટૂર્નામેન્ટમાંથી બહાર થઈ ગયો છે.
27 ઓગસ્ટથી શરૂ થનારી આ ટુર્નામેન્ટમાં ભારત સહિત 6 ટીમો ભાગ લેશે. ભારત, પાકિસ્તાન અને ક્વોલિફાઈંગ ટુર્નામેન્ટ જીતનાર ટીમ ગ્રુપ Aમાં છે જ્યારે શ્રીલંકા, અફઘાનિસ્તાન અને બાંગ્લાદેશ ગ્રુપ Bમાં છે જેમાં તમામ મેચ સ્થાનિક સમય મુજબ સાંજે 6 વાગ્યે (IST સાંજે 7.30 વાગ્યે) શરૂ થશે. દુબઈમાં દસ અને શારજાહમાં ત્રણ મેચ રમાશે. સ્પર્ધામાં છઠ્ઠી ટીમ નક્કી કરવા માટેનો ક્વોલિફાઇંગ રાઉન્ડ 20 ઓગસ્ટથી ઓમાનમાં શરૂ થશે. ભારત અને પાકિસ્તાનની સાથે ગ્રૂપ Aમાં સ્થાન મેળવવા માટે સ્પર્ધા કરતી ટીમો UAE, કુવૈત, સિંગાપોર અને હોંગકોંગ છે.
મુખ્ય સ્પર્ધામાં, દરેક ટીમ તેમના જૂથની અન્ય બે ટીમો સાથે એક-એક વખત રમશે, અને દરેક જૂથમાંથી ટોચની બે ટીમો 3 સપ્ટેમ્બરથી શરૂ થતા સુપર 4 રાઉન્ડમાં આગળ વધશે જેમાં સુપર 4 રાઉન્ડની ટીમો એકબીજા સાથે એક-એક વખત રમશે, જેમાં ટોચની બે ટીમો 11 સપ્ટેમ્બરે યોજાનારી ફાઈનલ માટે ક્વોલિફાય થશે અને એશિયા કંપની આ આવૃત્તિ શ્રીલંકામાં યોજાવાની હતી, પરંતુ આર્થિક સંકટને કારણે ગયા મહિને યુએઈમાં શિફ્ટ કરવામાં આવી હતી. શ્રીલંકા ક્રિકેટ (SLC) ટુર્નામેન્ટનું સત્તાવાર યજમાન બનવાનું ચાલુ રાખશે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
