રાષ્ટ્રીય રાજધાની દિલ્હીમાં, દક્ષિણ દિલ્હી પોલીસે ગેંગસ્ટરો અને તેમના સાથીદારોને વિદેશ ભાગી જવા માટે નકલી પાસપોર્ટ પ્રદાન કરવા બદલ 4 લોકોની ધરપકડ કરી છે અને આ માહિતી આપતા પોલીસે કહ્યું કે ગેંગસ્ટર લોરેન્સ બિશ્નોઈના ભાઈ અને તેના સહયોગીઓ નકલી પાસપોર્ટની મદદથી વિદેશ ભાગી ગયા હોવાના પુરાવા પણ મળ્યા છે.
હકીકતમાં, પોલીસ સૂત્રોને ટાંકીને કેટલાક મીડિયા રિપોર્ટ્સમાં એવો દાવો કરવામાં આવ્યો હતો કે સિદ્ધુ મુસેવાલાની હત્યા થઈ તે પહેલા જ લોરેન્સ બિશ્નોઈએ તેના ભાઈ અનમોલ બિશ્નોઈ અને ભત્રીજા સચિનને નકલી પાસપોર્ટ દ્વારા વિદેશ મોકલ્યા હતા. અને સૂત્રોના અહેવાલો જણાવે છે કે બિશ્નોઈએ પોલીસ પૂછપરછ દરમિયાન તેના ભાઈ અને ભત્રીજા વિદેશ ભાગી જવાની વાત કરી હતી.અને ત્યારથી પોલીસ નકલી પાસપોર્ટ બનાવનારાઓને શોધી રહી હતી, જેમાં હવે તેને સફળતા મળી છે.
સૂત્રોના જણાવ્યા અનુસાર લોરેન્સ વિશ્નોઈને ડર હતો કે સિદ્ધુ મુસેવાલાની હત્યામાં પોલીસ તેના ભાઈ અને ભત્રીજાની ધરપકડ કરી શકે છે અને આથી તેણે વિદેશ ભાગી જવાની વ્યવસ્થા પહેલેથી જ કરી લીધી હતી.
બીજી તરફ હરિયાણા એસટીએફની ટીમ લોરેન્સ બિશ્નોઈ ગેંગના 5 ઓપરેટિવને રિમાન્ડ પર લઈને પૂછપરછ કરી રહી છે અને પોલીસને શંકા છે કે તેણે સિદ્ધુ મુસેવાલા હત્યા કેસને અંજામ આપનારા હુમલાખોરોને ભગાડવા માટે વાહનો અને લોજિસ્ટિક સપોર્ટ પૂરો પાડ્યો હતો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
