ભારતના નીરજ ચોપરાએ પેરિસ ઓલિમ્પિકમાં ભાલા ફેંકમાં સિલ્વર મેડલ જીત્યો હતો. પાકિસ્તાનના અરશદ નદીમે 92.97 મીટરના રેકોર્ડ થ્રો સાથે ગોલ્ડ મેડલ કબજે કર્યો હતો. આ તેનો પહેલો ઓલિમ્પિક મેડલ છે. એથ્લેટિક્સમાં, ઓલિમ્પિકમાં વિજેતાઓને ઈનામની રકમ પણ આપવામાં આવે છે. તો ચલો જાણીએ કે સિલ્વર મેડલિસ્ટ નીરજ ચોપરાને કેટલા ડોલરની ઈનામની રકમ મળી હશે.
પાકિસ્તાનના અરશદ નદીમે પેરિસ ઓલિમ્પિકમાં ગોલ્ડ જીત્યો
ભારતના નીરજ ચોપરાએ ભાલા ફેંક સ્પર્ધામાં સિલ્વર જીત્યો
નદીમને ઈનામી રકમ તરીકે 50 હજાર ડોલર મળ્યા
Javelin Prize money: ડિફેન્ડિંગ ચેમ્પિયન નીરજ ચોપરા પેરિસ ઓલિમ્પિકમાં ભાલા ફેંક ઈવેન્ટમાં સિલ્વર મેડલ જીતીને સતત બે ઓલિમ્પિક મેડલ જીતનારો પહેલો ભારતીય ટ્રેક એન્ડ ફિલ્ડ એથ્લેટ બન્યો છે. પરંતુ પાકિસ્તાનના અરશદ નદીમે ઓલિમ્પિકમાં નવા રેકોર્ડ સાથે જીત મેળવી હતી. 26 વર્ષીય નીરજનો બીજો થ્રો તેનો એકમાત્ર માન્ય થ્રો હતો, જેનું અંતર 89.45 મીટર હતું. આ સિઝનમાં નીરજનો સર્વશ્રેષ્ઠ થ્રો પણ હતો. પાકિસ્તાનના અરશદ નદીમે 92.97 મીટરના બીજા થ્રો સાથે નવો ઓલિમ્પિક રેકોર્ડ બનાવ્યો અને ગોલ્ડ જીત્યો હતો.
નદીમને કેટલી ઈનામી રકમ મળી?
ઓલિમ્પિકની શરૂઆત 1896માં થઈ હતી. ઈવેન્ટમાં વિજેતા ખેલાડીઓને મેડલ આપવામાં આવ્યા હતા. ટોક્યો ઓલિમ્પિક સુધી કોઈ વિજેતાને ઈનામી રકમ આપવામાં આવી ન હતી, પરંતુ આ વખતે વર્લ્ડ એથ્લેટિક્સે ઈનામની રકમ આપવાની જાહેરાત કરી હતી. નદીમને ગોલ્ડ મેડલ જીતવા બદલ 50 હજાર ડોલર મળ્યા હતા. પાકિસ્તાની રૂપિયામાં તે અંદાજે 1 કરોડ 40 લાખ રૂપિયા થઈ જાય છે. આ ઈનામી રકમ કોઈપણ એથ્લેટિક્સ ઈવેન્ટમાં ગોલ્ડ મેડલ જીતવા માટે મળે છે. જો એક કરતા વધુ ખેલાડીઓ હોય તો ઈનામની રકમ તેમની વચ્ચે સમાન રીતે વહેંચવામાં આવે છે.
નીરજ ચોપરાને શું મળ્યું?
નીરજ ચોપરાને ઓલિમ્પિક કે વર્લ્ડ એથ્લેટિક્સમાંથી સિલ્વર મેડલ જીતવા બદલ કોઈ ઈનામી રકમ મળી નથી. આ ઓલિમ્પિકમાં વર્લ્ડ એથ્લેટિક્સે માત્ર ગોલ્ડ મેડલ વિજેતાઓ માટે ઈનામની રકમ જાહેર કરી છે. 2028માં લોસ એન્જલસમાં યોજાનારી ઓલિમ્પિકમાંથી એથ્લેટિક્સના સિલ્વર અને બ્રોન્ઝ મેડલ વિજેતાઓને પણ ઈનામી રકમ આપવામાં આવશે. એથ્લેટિક્સ સિવાય આ વખતે અન્ય કોઈ ઈવેન્ટમાં વિજેતાઓને ઈનામની રકમ મળી નથી.
32 વર્ષ બાદ પાકિસ્તાનને મેડલ1992 બાર્સેલોના ઓલિમ્પિક બાદ પાકિસ્તાનનો આ પહેલો ઓલિમ્પિક મેડલ છે. આ પહેલા પાકિસ્તાને ઓલિમ્પિકમાં ત્રણ ગોલ્ડ મેડલ જીત્યા હતા. આ તમામ હોકી ઈવેન્ટમાં આવ્યા હતા. આ પહેલીવાર છે જ્યારે કોઈ પાકિસ્તાની વ્યક્તિગત ઈવેન્ટમાં ગોલ્ડ મેડલ જીત્યો હોય. નદીમે નોર્વેના એન્ડ્રેસ ટીનો ઓલિમ્પિક રેકોર્ડ તોડ્યો હતો. તેણે 2008માં બેઇજિંગ ગેમ્સમાં 90.57 મીટરનો થ્રો કર્યો હતો. આની સાથે ગ્રેનાડાના એન્ડરસન પીટર્સ, 88. 54 મીટરના થ્રો સાથે ત્રીજું સ્થાન મેળવ્યું હતું.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
