ડબ્લ્યુએચઓએ જણાવ્યું હતું કે, તે વિશ્વભરમાં સ્થિત તેની પ્રાદેશિક કચેરીઓ દ્વારા રસીના ફાયદાઓ વિશે ત્યાંના દેશો સાથે વાત કરશે. સંયુક્ત રાષ્ટ્રની આ સંસ્થાની મંજૂરી બાદ વિશ્વભરના દેશોમાં ફાઇઝરની કોરોના રસીના ઉપયોગ માટેનો માર્ગ ખુલી ગયો છે. બીજી તરફ ભારત પણ આજે કોરોના વાયરસ રસીના ઈમરજન્સી ઉપયોગ અંગે મોટો નિર્ણય લેશે.
ડબ્લ્યુએચઓ કોરોના રસીને ફાઈઝરની મંજૂરીની સંપૂર્ણ અને વિગતવાર તપાસ પછીથી કરશે. ગરીબ દેશોમાં કોરોના રસી ઝડપથી પહોંચાડવા માટે સંસ્થાએ ઈમરજન્સી યુઝ લિસ્ટિંગ પ્રક્રિયા પણ શરૂ કરી છે.
સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઇઝેશન (CDSCO)ની સબજેક્ટ એક્સપર્ટ કમિટી રસી મંજૂરીને લઈને આજે મોટી બેઠક કરશે.
ડબ્લ્યુએચઓએ ફાઈઝર રસીની સમીક્ષા કર્યા પછી કહ્યું કે, તેનાથી સલામતી અને અસરકારકતાના માપદંડને પૂર્ણ કરવું આવશ્યક છે. આ રસીના બે ડોઝ લીધા પછી, કોરોનાથી મૃત્યુની સંભાવના પણ ઓછી થાય છે.
ફાઈઝરની કોરોના રસીને સૌથી પહેલા બ્રિટનમાં ઈમરજન્સી ઉપયોગ માટે મંજૂરી આપવામાં આવી હતી. જે બાદ અમેરિકાએ પણ આ રસીને મંજૂરી આપી દીધી હતી.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
