ભૂપેન્દ્ર પટેલ ગુજરાતના 18મા મુખ્યમંત્રી, જાણો ગુજરાતના સીએમનો કેટલો પગાર, તમામ સીએમના અલગ પગાર

પાટીદાર સમાજ સાથે જોડાયેલા નેતા ભૂપેન્દ્ર પટેલ ગુજરાતના 18મા મુખ્યમંત્રી બનવા જઈ રહ્યા છે. પગાર ઉપરાંત મુખ્યમંત્રીને રહેઠાણ, પ્રવાસ ભથ્થું જેવી સુવિધાઓ અલગથી મળે છે. ગુજરાતમાં 2022ની વિધાનસભા ચૂંટણી જીત્યા બાદ ભાજપ રાજ્યમાં સતત 7મી વખત સરકાર બનાવવા જઈ રહી છે. પાર્ટીએ સરકારની બાગડોર ભુપેન્દ્ર પટેલને સોંપી છે. જેઓ ફરીથી ગુજરાતના મુખ્યમંત્રી તરીકે આજે શપથ લેવા જઈ રહ્યા છે. આવા સંજોગોમાં ભૂપેન્દ્ર પટેલ વિશે જાણવા માટે દરેકને ઉત્સુકતા છે. ભાજપના નેતા ભૂપેન્દ્ર પટેલની કુલ સંપત્તિ, ગુજરાતમાં સીએમ તરીકે કેટલો પગાર મળે છે. ત્યારે તેમના એફીડેવિટમાં સંપત્તિનો ઉલ્લેખ અગાઉ કરાયો હતો.

આટલી છે ભૂપેન્દ્ર પટેલની સંપત્તિ

2022ની ચૂંટણીના એફિડેવિટમાં પોતાની સંપત્તિનો ઉલ્લેખ કર્યો છે. ચૂંટણી પંચને આપેલી એફિડેવિટ મુજબ ભૂપેન્દ્ર પટેલની કુલ સંપત્તિ 8 કરોડ 22 લાખ રૂપિયા છે. ભૂપેન્દ્ર પટેલ પાસે અંદાજે રૂ.25 લાખના દાગીના છે અને તેમની પત્ની પાસે રૂ.47 લાખ 50 હજારના દાગીના છે. 2017ની ચૂંટણીમાં તેમણે 5 કરોડ રૂપિયાની સંપત્તિ જાહેર કરી હતી. જેમાં આ વધારો પાંચ વર્ષમાં થયો છે.

આટલો છે ગુજરાતના સીએમનો પગાર 

પાટીદાર સમાજ સાથે જોડાયેલા નેતા ભૂપેન્દ્ર પટેલ ગુજરાતના 18મા મુખ્યમંત્રી બનવા જઈ રહ્યા છે તેમણે ઘાટલોડિયા બેઠક પરથી કોંગ્રેસના ઉમેદવારને 1.92 લાખ મતોના માર્જિનથી હરાવ્યા હતા. 60 વર્ષીય ભૂપેન્દ્રભાઈ પટેલના પગાર વિશે વાત કરીએ તો, મળતી વિગતો અનુસાર તેમને 321,000 રૂપિયા માસિક પગાર મળે છે. આ સિવાય તેઓને મફત રહેઠાણ, મુસાફરી ભથ્થું, તબીબી સુવિધાઓ વગેરે મળે છે.

હિમાચલના મુખ્યમંત્રી કરતા ગુજરાતના સીએમનો પગાર વધુ

હિમાચલ પ્રદેશના મુખ્યમંત્રી સુખવિંદર સિંહ સુખુને 310,000 રૂપિયા માસિક પગાર મળશે. તે જ સમયે, સુખુને મફત આવાસ, મુસાફરી ભથ્થું, તબીબી સુવિધાઓ વગેરે પણ મળશે. કુલ 28 રાજ્યો છે. આ રાજ્યોના વડા ત્યાંના મુખ્યમંત્રી છે. રાજ્ય સ્તરે મુખ્યમંત્રીનું સ્થાન કેન્દ્રમાં વડાપ્રધાન જેવું જ છે. આપણા દેશમાં દરેક રાજ્યના મુખ્ય પ્રધાનનો પગાર અલગ-અલગ હોય છે કારણ કે દરેક રાજ્યના પ્રધાનો માટે અલગ-અલગ પગાર ધોરણ હોય છે અને તેઓને માસિક ધોરણે ચૂકવવામાં આવે છે જેમ અન્ય સરકારી કર્મચારીઓને તેમનો પગાર મળે છે.