2000 રૂપિયાની નોટોને લઈને એક મોટી વાત સામે આવી રહી છે કે માર્કેટમાં ફરી એક વખત ભાગ્યે જ આ નોટ જોવા મળી રહી છે, જેના વિશે રિઝર્વ બેંક દ્વારા મોટી માહિતી આપવામાં આવી છે.
News Detail
નથી છપાઈ રહી 2000ની નોટ
આપને જણાવી દઈએ કે છેલ્લા ત્રણ વર્ષથી 2000 રૂપિયાની એક પણ નોટ છાપવામાં આવી નથી. આવી સ્થિતિમાં આ નોટ સર્ક્યુલેશન ન બરાબર છે. RTI મુજબ વર્ષ 2019-20, 2020-21 અને 2021-22 દરમિયાન 2,000 રૂપિયાની નવી નોટો છાપવામાં આવી નથી.
RBI જારી કરે છે નોટ
હાલમાં રિઝર્વ બેંક દ્વારા બજારમાં 2 રૂપિયા, 5 રૂપિયા, 10 રૂપિયા, 20 રૂપિયા, 50 રૂપિયા, 100 રૂપિયા, 200 રૂપિયા, 500 રૂપિયા અને 2000 રૂપિયાની નોટો જારી કરવામાં આવી રહી છે. 8 નવેમ્બર 2016ના રોજ પીએમ મોદીએ 500 અને 1000 રૂપિયાની નોટો બંધ કરી દીધી હતી. તેના બદલામાં 2000 અને 500 રૂપિયાની નવી નોટો જારી કરવામાં આવી હતી.
2000ની નોટનો હિસ્સો કેટલો ઘટ્યો?
નવી નોટો જારી કરવાનો હેતુ એ હતો કે નવી નોટો આખા દેશમાં વહેલામાં વહેલી તકે ફેલાઈ જવી જોઈએ, પરંતુ અત્યારે બજારમાં 2000 રૂપિયાની નોટો ખૂબ જ ઓછી જોવા મળી રહી છે. આરબીઆઈ તરફથી મળેલી માહિતી મુજબ 31 માર્ચ 2022 સુધીમાં દેશમાં ચલણમાં 2000 રૂપિયાની નોટોનો હિસ્સો માત્ર 13.8 ટકા રહી ગયો છે.
નકલી નોટોની સંખ્યા
જો આપણે નકલી નોટોની સંખ્યા વિશે વાત કરીએ તો વર્ષ 2018માં તે 54,776 હતી. વર્ષ 2019માં આ આંકડો 90,566 હતો અને વર્ષ 2020માં 2,44,834 નોટો હતી.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
