સુશાંતસિંહ રાજપૂતના કેસમાં રિયા ચક્રવર્તીની ડ્રગ ચેટના ખુલાસા પછી ડ્રગ ચેટમાં અત્યાર સુધીનો સૌથી મોટો ખુલાસો થયો છે. આ કેસમાં ડ્રગ્સ કનેક્શનની તપાસ કરી રહેલી નાર્કોટિક્સ કંટ્રોલ બ્યૂરો (એનસીબી) બોલિવૂડ અભિનેત્રીઓ શ્રદ્ધા કપૂર, સારા અલી ખાન, રકુલ પ્રિતસિંહને સમન્સ મોકલવાની તૈયારી કરી રહી છે ત્યારે હવે બોલિવૂડની ટોચની અભિનેત્રી દીપિકા પદુકોણનું નામ પણ આ કેસમાં તપાસમાં સામે આવતાં સનસનાટી મચી ગઈ છે.
એનસીબીની તપાસમાં જયા સાહાની મેનેજર કરિશ્મા સાથે દીપિકા પદુકોણની વાતચીતની ચેટ સામે આવી છે. આ ચેટ 2017ની હોવાનું મનાય છે. જયા સાહા સુશાંતસિંહ રાજપુતને ટેલેન્ટ મેનેજર હતી, જેની એનસીબીએ સોમવારે પૂછપરછ કરી હતી.
જયાની વોટ્સએપ ચેટમાં અગાઉ શ્રદ્ધા કપૂરનું પણ નામ સામે આવ્યું હતું, જે જયા પાસેથી સીબીડી ઓઈલ મગાવતી હોવાનું જણાયું હતું. જયા સાહા સાથેની આ ચેટમાં એન, જે, એસ, ડી અને કે વચ્ચે ડ્રગ્સ અંગે વાતચીત થઈ છે, તેમાં ડીનો આૃર્થ દીપિકા પદૂકોણ છે.
એનસીબીના સૂત્રોએ જણાવ્યું કે, ડ્રગ ચેટમાં દીપિકા ક્વાનની મેનેજર કરિશ્મા પાસેથી ‘માલ’ એટલે કે ડ્રગ્સ માગી રહી છે. દીપિકાના સવાલ પર કરિશ્મા કહે છે, ‘મારી પાસે છે, પરંતુ ઘરે છે, હું બાંદ્રામાં છું. હું અમિતને પૂછી શકું છું.’ પછી કરિશ્મા કહે છે, ‘અમિત પાસે છે, તે લઈ જઈ રહ્યો છે.’ દીપિકા કહે છે, ‘હેશ છે ને વીડ નહીં.’
બોલિવૂડમાં ડ્રગ્સ કનેક્શનની તપાસ કરી રહેલી એનસીબીના એક અિધકારીએ જણાવ્યું હતું કે, તપાસ દરમિયાન દીપિકા પદૂકોણનું નામ સામે આવ્યું છે.એક ચેટમાં દીપિકાનું નામ પણ મળ્યું છે, જેમાં દીપિકા જયા શાહની કંપની ક્વાનની મેનેજર કરિશ્મા સાથે વાત કરી રહી છે.
આ કેસમાં હવે કરિશ્માને એનસીબી પૂછપરછ માટે સમન્સ પાઠવશે. એનસીબીના અિધકારીઓ મુજબ જયા સહા અને કરિશ્મા વચ્ચે ડ્રગ્સ અંગે કેટલીક ચેટ્સ મળી છે. ક્વાન કંપનીનો બોલિવૂડના અનેક કલાકારો સાથે કોન્ટ્રાક્ટ રહ્યો છે, જેમાં દીપિકાનું પણ નામ સામેલ છે. આ સિવાય ચેટમાં નમ્રતા શિરોડકરનું પણ નામ સામે આવ્યું છે.
મનાય છે કે ડ્રગ્સ અંગે એક એક્ટ્રેસ પૂછી રહી છે, જેનો નંબર એનના નામથી દેખાય છે. આ એક્ટ્રેસ નમ્રતા શિરોડકર હોવાનું મનાય છે. તેમાં લખ્યું છે, તેં મને પ્રોમિસ કર્યું હતું કે મને સારૂં એમડી બોમ્બેમાં આપીશ અને આપણે સાથે પાર્ટી કરીશું. પછી એક્ટ્રેસે કહ્યું મને હકીકતમાં એક બ્રેકની જરૂર છે. જયાએ કહ્યું, તમે મને એક પેડલર બનાવી રહ્યાં છો. છતાં તમારી ઈચ્છા મારા માટે આદેશ છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
