સિંગર જુબિન નૌટિયાલ ગુરુવારે ઘરે સીડી પરથી નીચે પડી ગયો હતો. આ દરમિયાન તેને ગંભીર ઈજાઓ થઈ છે. જુબિન નૌટિયાલની કોણી તૂટી ગઈ છે અને આ સિવાય તેના માથા, પાંસળી અને કપાળ પર પણ ઈજા છે. જુબિન નૌટિયાલને મુંબઈની હોસ્પિટલમાં દાખલ કરવામાં આવ્યા છે.
જુબિન નૌટિયાલનું નવું ગીત તુ સામને આયે તાજેતરમાં રિલીઝ થયું છે અને તેણે આ ગીત ગાયક યોહાની સાથે ગાયું છે. ગુરુવારે નૌટિયાલ અને યોહાની ગીતના લોન્ચિંગ સમયે સાથે જોવા મળ્યા હતા. આ પછી જ તેને ઈજા થઈ. આ અકસ્માતને કારણે સિંગરને તેના જમણા હાથનું ઓપરેશન કરાવવું પડશે. ડૉક્ટરોએ તેને જમણા હાથનો ઉપયોગ ન કરવાની સલાહ આપી છે.
જુબિન ટોચના ગીતોનો ગાયક છે
આ પહેલા પણ જુબીન નૌટિયાલે ઘણા હિટ ગીતો આપ્યા છે. તેના હિટ ગીતોની યાદી ઘણી લાંબી છે. જેમાં રાત લાંબાં, લૂટ ગયે, હમનવા મેરે, તુમ હી આના, બેવફા તેરા માસૂમ ચેહરા અને તુઝે કિતના ચાહને લગે હમનો સમાવેશ થાય છે. પોતાના સુરીલા અવાજ અને સુંદર દેખાવથી જુબિન આજે લાખો દિલો પર રાજ કરી રહ્યો છે અને તેના ગીતો માત્ર ચાર્ટબસ્ટર નથી, પરંતુ તેની ફીમેલ ફોલોઈંગ પણ ખૂબ સારી છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
